عصفوره ناعسه :) :

لما تكون الوحده محتشمه طبيعي جداً كل الناس ماتطالع فيها احترام لها من (((( احترامها لنفسها )))))) اما سالفة الرجال يغضون البصر عارفين ان هالشي انه لرجال والنساء بس مثل مافيه متبرجه وماتخاف الله بحجابها فيه اللي مادين بصرهم الله لا يبلانا والله اعطى الوقايه من هذا كله بس لما الوحده تطلع ماهي خايفه الله بحجابها والبس اللي يقشعر منه الجلد وتقعد تدور وتتميع وتقول واو ليش مايغضون بصرهم ذولا مرضى وش فيهم مايصدقون يشوفون وحده ! من قذارتك وقلة قيمتك وسامحه لناس تتفرج وهي اساساً فاتحه الباب للكل يتفرج وليش طيب فاتح العبايه وطلعه السر يتهواء يعني ! والا لابسه ليقنز وتقول لا تناظروني ! وش بقى للبيت ! سالفة الحلوى المكشوفه هي الحقيقه مهما تغير الزمن هي المثال الحقيقي للحجاب لما تكون الوحده خايفه ربها بحجابها طبيعي كل النظرات لها احترام اما اللي ترخص نفسها وتتبرج وماتخاف الله بلبسها وهي طالعه من البيت خلاص ماحترمت نفسها عشان الناس تحترمها اللي ترخص نفسها بالتبرج ولا تجي تقول ماتدرون عن اللي بقلبي ! اذا الستر والحياء ماخفتي الله فيه تبين نسأل عن قلبك. وش دخلنا بقلبك. الدين مو بس بالقلب الدين شريعه وتطبيق منهاج حياه يرضى اللي يرضى ،، يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا لما امر ربي نساء النبي وهم اطهر الخلق بعدم الخضوع بالقول اعطاهم الوقايه.قبل وقوع المشكله. وقالهم وين يطمعون اهل القلوب المريضه والايه هذي تبين امور كثيره لنا كلنا كا نساء تعرف الوحده وين الحصن الحصين لها من اهل القلوب المريضه.

لما تكون الوحده محتشمه طبيعي جداً كل الناس ماتطالع فيها احترام لها من (((( احترامها لنفسها...

عصفوره ناعسه :) :

انا قلت لك قبل ان تفكيرك سقيم 😂 هو صادق. اللي يناظرونها ذباب. وماراح يجتمع عليها الا اللي قلوبهم مريضه. مثل ماهي متكشفه لذباب. فهمتي. هو اعطى مثال. للعقول اللي تفهم. يعني يابنت لترخصين نفسك لذباب من الناس عشان هي تفهم. المجتمع مو كله ابو بكر وعثمان بن عفان غاضين البصر لا بيجتمع عليها ذباب مايعرف لا صلاه ولا دين ولا شي بس اسم انه مسلم. تبينه يغض بصره. هو ماقال المثال عن نفسه ولا عن البنات كلهم بمعنى الذباب اللي هذي اخلاقهم ارفعي نفسك عنهم بالحجاب وعدم التكشف. والتبرج. المشكله مو بالمثال المشكله بالناس اللي تفهم 🙃

انا قلت لك قبل ان تفكيرك سقيم 😂 هو صادق. اللي يناظرونها ذباب. وماراح يجتمع عليها الا اللي...

🇸🇦السعوديه🇸🇦 :

يعني عادي الرجل يطالع للمرأه المتكشفه؟ طيب كيف يحقق أمر الله له بغض البصر؟ عن وش يغض بصره إذا ماغضه عن وحده غير ممتثله لأمر الله!؟ ذيك حلاوه وذباب.. مالها دخل فينا يا البشر.. هذا كلام ماخوذ خيره.. مايمشي سوقه الحين. نقول للرجل وللمرأه امتثلوا لأمر الله. وانت يا الرجال لاشفت وحده متكشفه غض بصرك ورح لزوجتك وبتلقا عندها ما يشبع غريزتك.. وانت يا المرأه صوني نفسك وخافي ربك في عرضك. لكن حلاوا وماحلاوا وذباب ومدري وش هذا كلام يسول للشباب انهم ينتهكون حرمات الله

يعني عادي الرجل يطالع للمرأه المتكشفه؟ طيب كيف يحقق أمر الله له بغض البصر؟ عن وش يغض بصره إذا...

🇸🇦السعوديه🇸🇦 :

من جدددد.. ولو حبينا نتكلم معهم بوجهة نظرهم الحلاوا وما الحلاوا.. بقولهم الحلاوا المكشوفه مجرثمه .. ملوثه.. مستحيل الولد المتربي صح والفاهم والي مربيته أمه ومفهمته مايقرب شي طايح ومكشوف مستحيل يقرب منه.. نفسه السويه تأبى انها تقربله. تخيلي المؤمنين بهذي النظريه هل تربي ولدها على انه لو شفت بنت متكشفه عادي تروحلها وتلاحقها؟؟؟؟ ولّا تقوله ياولدي صووون محارم خلق الله يصون ربي محارمك. ولو مثلا شافت زوجها يناظر في وحده منهم هل بتقول من حقه دامها حلاوا مكشوفه ولّا بتقوله غضضضض بصرك الله ياخذ عمرك🥴

من جدددد.. ولو حبينا نتكلم معهم بوجهة نظرهم الحلاوا وما الحلاوا.. بقولهم الحلاوا المكشوفه مجرثمه...