ختي صارحي بنتك واجلسي معها وتكلمي معاها باسلوب وحاولي تعطينها مشاعر واحاسيس بزياده واشغلي وقتها وترى بدري عليها الجوال والنت ولاتتركيها لوحدها ابدا وفهميها باسلوب انها على غلط وترى البلى كله من صديقاتها حاولي تروحي لها بالمدرسه بكثره وتتعرفي على صديقاتها واذا سحبتي منها الكلام وشفتي انها وحده من صديقاتها اللي معطيتها الرقم انقليها من المدرسه على طول ولاتتركي لها مجال تواصلها وخليك في صفها على طول يعني صادقيها صداقه قويه ودلعيها في البيت ودلليها وبيني لها حبك الزايد لها وحاولي تسهري معاها وتجيبي لها قصص كيف ان كم وحده تورطت وندمت



الله يصلحها ويهديها

ترى ما اتجهت لذا الشي الا لانك ماكنتي قريبه منها اكيد مشغوله عنها

الله يكون بعونك
اول شي احتويها يمكن البنت فاقده حنان
ثاني شي لاتحرمينها لا من النت ولا من الجوال ولكن خليها تستعملهم بشكل مقنن بمعنى الكمبيوتر لازم يكون بمكان عام الصاله مثلا وماتجلس عليه في اوقات متأخره من الليل يعني تحدد الساعه كذا الكمبيوتر يتسكر ويمشي هالشي على الكبير والصغير والولد والبنت علشان ماتحس انو فيه تفرقه او انتي شاكه فيها او من هالقبيل
بالنسبه للجوال رأيي مايكون عندها وقوليلها الجوال مانستعمله الا اذا طلعنا من البيت وبالنسبه للرسائل خليها ترسل لصديقاتها تحت اشرافك
برضو حاولي انك تسولفين معها كثير تشاركينها بإهتماماتها تحتوينها حاولي تعاملينها كصديقه
حاولي انك تشغلينها بأشياء هي تحبها وتبدع فيها علشان تشغلينها في اوقات الفراغ برضو وانتي تسولفين معها قوليلها بشكل غير مباشر لاحظي غير مباشر عن حرمة هذا الشي وقصص بعض البنات

اتمنى اكون افدتك بشي بسيط والله يصلحلك بنتك ويجعلها باره فيك

مادري بس احس انك تحرمينها راح تعاند صدقيني

حاولي تناقشين معها وتفتحين حوار

ليش سوت كذا ومن هالكلام واعرفي وش تقول عشان تقدرين تلقين حل للموضوع

لا حول ولا قوة الا بالله

المفرووض تشلين المووبااايل من وقتها عندج
دخليها غرفه وواقعيهاا ولوميها
وقووليلها هذاا حرااام قبل انه يكوون عيييييييب
فيه ققصص واايد في النت تحكي عن معانات بناات ونصابحهم للبنات الي يستون جحيه
اطبعيهم وخلي بنتج تقرااا منهم
!!

اذا الاب كذا فالله يعينك يابنت الحلال

نصيحة استخدمي القسوة والله ماودنا في داهية الى المثاليات الزيادة

امي وامك ماطلعونا حريم ونصون نفسنا الى بالقسوة والشدة

اما الدلع والطبطبة والاحتواء مايجيب الى الفساد