بنتي...بلغت..بعدها صغيرة..ايش اسوي؟ //اكتفى من الردود

السلام عليكم ورحمة الله وبركاته

خواتي والمجربات ..انا مبارح عرفت انه بنتي بلغت ..مسكينة صغيرررررة :44: عمرها 10 سنين
ما لحقت تلعب مثل اللي بعمرها وكمان انا مو مستعدة نفسيا بحس انه بعدها صغيرة انا ما بلغت بعمرها وبعرف البنت بتكونمثل امها عادتا....

لاحظت عليها قبل اكم يوم دخولها كثير للحمام وانها شكت من وجع ظهرها واجريها خفت وكنت حاسة قبل فترة انها راح تبلغ بتعرفوا الام قلبها دليلها.. فسالتها تعالي انت ايش قصتك كتير بتدخلي الحمام في شيء نازل على الكلوت خاففففففت واتغير لون وجهها وانا خفت زيها:icon36: ما رضيت تحكي..حكيتلها ما تخافي ازا في دم احكيلي ..هي سكتت وقالت اه يا ماما ليش طيب نزل دم مني..يااااااااااربي شعوري بدي ابكي وبدي احضنها من الصدمة ولاشعوري حكيت ليششش بعدك صغيرة فسالتني ايش يعني انا كبيرة صرت ما بدي اكبر بدي اضل صغيرة وصارت بدها تبكي...حكيتلها لاء مو يعني ما تلعبي وتضحكي وترسمي متل ما كنتي تعملي بس يعني انك لازم تصلي وما تتركي ولافرض وتصومي وتنتبهي لكلامك وتصرفاتك بس انتي بعدك صغيرة وبتلعبي متل صحباتك اللي بعمرك..

بنات

انا من مبارح لليوم عندي شعور غريب...صدمة وكانه الدنيا تغيرت بعيوني...بنتي صارت مثلي تيجيها الدورة ومتاعب الدورة

البنت بعدها صغيرة 10 سنين واكيد صديقاتها ما بلفوا انا بعرفهم..فكيف شعورها بالمدرسة ولما تكون جايتيها وهي بالمدرسة:icon36:..طيب كيف بدي اشوف بنتي اللي قبل يومين كانت طففففففلة الان صبية مش مستوعبة الفكرة سريعة ومخيفة لما تشوفي بنتك بنتك اللي كانت طفلة بين ايدكي ترضعيها وتحمميها وتسريحلها شعرها وتخافي عليها من نسمة الهوا تشوفي الدم بينزل منها؟؟؟!!!!!!!

سنة الحياة بعرف ...لكن والله صععععععععبة علينا كامهات وخاصة انها وحيدتي وعمرها صغير..