بنتين اعزهم قريبات من بعض كل فتره يطلبوا مني .....اه ايش الحل

حبايبي بنات حوا
انا عندي مشكله صغيره مع بنتين يقربوا لبعض مرا وبصراحه اعزهم وزي اخوتي امهم
في مره وحده منهم طلبت مني 500 ريال سلف وعادي مرا فرحت انها اعتبرتني زي اختها وجات طلبت مني واعطيتها وانا متأكده انها ماراح تردها لان ماتقدر من فين راح تردها لاوضيفه ولاشي وقلتلها عادي مسامحتك
المهم بعدها بفتره كمان طلبت مبلغ وكل بين فترا وفتره تطلب
وفي النهايه زوجي عصب قال انا اشتغل واتعب عشان اصرف عليكي انتي وعيالك مش عشان اعطي الناس يقلي خلاص مره مرتين خلاص مش طوووول عمرنا
المهم سرت اعطيها من مصروفي والي قهرني اني عرفت انها تاخذ الفلوس مو عشان شي ضروري يخلي الواحد يتسلف
هيا بعدين تقلي انا اتسلفت عشان تهدي شاب وهاذا الي قهرني وغير كدا انها عشان تشحن جوالها ومره عشان تشتريلها عبايه وجزم قولوا العبايه والجزم عادي لكن انها تهدي شاب على حسابي او تشحن وان اخذ ذنوبها دا الي يقهر
اه لو كنت ادري كنت ماسلفتها وقريبتها نفس الشي تتسلف مني بس ماأسألها ليش عشان لا تتحسس
وادا قلتلها ماعندي تزعل وتستغرب
لان زوجي حالته الماديه كويسه والحمدلله
فتقول ماشالله زوجك الحمدلله حالته كويسه بس مهما كان الحاله مستوره نمر بعض احيان بأزمات لان عندي اطفال ومتطلباتهم كثيره ومصاريف البيت وانا مصاريفي
واقولها دا الكلام ترا لازم الواحد يمر بأزمات ومع دا الغلا يادوب الراتب يكفي
وبعض احيان اقلهم ماأقدر اطلب من زوجي بصراحه يزعل تقلي طيب بدون لايري زوجك من مصروفك او من الفلوس ال ابوكي يعطيكي هيا لان البابا الله يسعده بعد كل فتره يعطينا مبلغ بسيط
وادا قلتلها صرفتها تقلي كيف تصرفي الفلوس الي ابوكي اعطاكي هيا لا تعودي زوجك ومحاااااضره
والحين قريبتها طلبت واستحيت وقلتلها استني اجمعلك
والمشكله انوا الحين مرا ماعندي وخارجين من زواجات وتعرفوا الزواجات كيف تاكل الفلوس فساتين وكوفيرات وووو
والمشكله ادا قلتلهم ماعندي راح يزعلوا
وبعض احيان انصحها من دا ال تهديلوا وأقولا ماراح اعطيكي عشان تصرفيها بالحرام واخذ ذبك تقلي انتي مالك شغل انتي اعطيني وبعدين ارجعلك هيا لمن اتوووووظف وماراح اصرفها بالحرام
لا تقولولي لاتدريها عن حالة زوجك وعن المصروف الي البابا يعطيني هوا بس هيا مرا قريبه مننا تعرف كل شي ادا مو مني من غيري
دحين ابغي اعتذرلها بدون ماتزعل ايش اقلها
وبالله ايش رايكم انا اجمع واحرم نفس من اشياء نفسي فيها واكتشف انوا السلف دا لبطايق وهدايا وكلام فاضي بالله مو قهر