بنتي .............

والله اختي كأنك تتكلمي عن بنتي بنفس عمر بنتك والسبب أني انا كنت أدافع عنها وصارت تحملني مسوليه الحماية والحين توهقت مو عارفه اخليها تدافع عن نفسها يا ليت احد يفيدنا

الله يستر
ذولي بنات
 بكره عندها مسؤليه زوج واولاد
والرجال اذا مالقى حرمه سنعه تزوج او طلقها
لو كانت ولد اهون

خلي الأمور تمشي على طبيعتها و جهيها ماسمعت خلاص خليها
هي الأن بعمر صغير لسى ما تستوعب الدفاع عن النفس
سلاحها البكاء و التشكي لازم تطولين بالك بس تكبر بتستوعب
إلي يدور حولها ..تضربينها غلط مايمكن بتجبرينها تدافع عن نفسها
خليها تاكل ضربات تمام بعدها بيثور الهدوء بداخلها ولازم تحصل
التشجيع منك لا تحبطينها و تقولين أنتي دلوعه أنتي خوافه لا كذا ما يصلح
قولي أنتي قادره تدافعين إلي يطقك طقيه وشوي شوي تستوعب لما تكبر شوي
عندي ولد ينجلد جلد بالمدرسه و تعبت أقوله لازم تدافع عن نفسك
لا تجي تغثني بالصياح و التشكي إلي يضربك أضربه ما تنقص عنهم بشي
وكان خواف و لا عنده جرأه و تركته بصراحه كل إلي أسويه أقوله
داااااافع عن نفسسسسك ما تبي تدافع تحمل
و تعرض للضرب مره ثانيه من نفس الطالب و حمق ولدي و رباه و جلده
و دافع عن نفسه و لما أتصلو المدرسه مسحت بهم البلاط قلت يوم إنه ينضرب
ما تحركتو و يوم دافع عن نفسه جيتو تركضون تتصلون و قلت لهم ولدي صبر
وتحمل كثير
وبيضرب إلي بيضربه ومن حقه يدافع عن نفسه و قلت لهم بعد بدخله نادي
للدفاع عن النفس و لا هميتوني
و لما جاء و جلست أسحب منه الكلام و خبرني بالي حصل
شجعته قلت برافو تمام عليك
بعدها حكاني عن مخاوفه يقول أنا أقدر أضرب بس أخاف يعاقبوني بالمدرسه !!!!
شوفي متى تكلم ونطق وخبرني بالسبب إلي مخليه مكتف و مو قادر يدافع عن نفسه !
قلت لا تخاف أنت ماغلطت و حتى لو عاقبوك ماعليك منهم الأهم ما تسكت عن إلي
يعتدي عليك !!!
يعني حبيبتي بنتك تحتاج لوقت بس و بعدها بتمل من إنهم يتعرضون لها بالضرب
وبتبدا تاخذ حقها خاصه إذا حصلت منك توجيه و تشجيع مو إعتراض على تصرفها
وبس تدخل المدرسه بيتغير سلوكها و بتتكون لها شخصيه و بتتغير حتى بالبيت
مع أخوانها
عندي ولد بعمر بنتك يضربه أخوه الكبير ولا يدافع أبد بس يصارخ و يصيح
صرت أوجهه ولا يستوعب و مخليته حالياً براحته لإنه بس يكبر سنه زياده
بيتغير سلوكه وخاصه بعد ما يدخل المدرسه و بيستوعب التوجيه
لا تخافين تكوين الشخصيه ما يقتصر على عمر معين
أنا ضد إنه الشخصيه ما تتكون إلا من عمر 3 إلى 5 هالكلام مو صحيح
والدليل ولدي الكبير ماتكونت شخصيته بجد إلا بعمره الأن 8 سنوات تخيلي
ماكان يحرك ساكن السنين إلي راحت رغم إني تعبت من التوجيه
ولما دخل عمر 8 سنوات صار مايسكت عن الغلط و يعترض إذا أي شي ماناسبه
و بدا يدافع عن نفسه لإنه وصل لمرحلة الإستيعااب الحقيقي لوضعه
صار يدافع و هو مقتنع تماماً إنه تصرفه سليم و بدت تتكون و تتضح شخصيته
ذكرت لك مثالين مع أولادي حتى تتضح لك الصوره و ماتحطين فبالك إنه تكوين الشخصيه
مقيد بعمر معين و تحبطين ..... وما ننسى إنه كل طفل تختلف ردة فعله و إستيعابه للأمور
و للتوجيه و النصح عن طفل أخر ...:26:

تحاول تلفت الانتباه عليها .. مو اكثر
اذا بكت صلحي نفسك ماتشوفيهااا ..
واذا جت لك وقالت ضربوني قولي مالي شغل روحي اضربيهم


الي يضربك اضربيه وبسسس اتركيها


شوي شوي راح تستجيب وتتقوى اكثر

فعلا تحاول لفت الانتباه
ويمكن تغار من احد بالبيت
وصايره تستخدم هالاسلوب يعني شوفوني سكتوني اهتموا فيني