بنتي

السلام عليكم ورحمة الله وبركاته
انا الي نزلت موضوع في شهر ٢ان بنتي مشتبهين ان فيها لوكيمياء وانها بنتي الوحيده ومتزوجه من سبع سنين ولا انكتب لي نصيب الين الحين اجيب غيرها الحمدلله على كل حال كانت صدمه صدمه متعبه والين الحين ماني مستوعبه ان فيها سرطان الحمدلله
المشكله وين يابنت المشكله اني تعبانه نفسيا ابليس اعوذ بالله منه ومن شره يدخل على ابن ادم في اضعف حالاته وانا اوسوس وارجع اتعوذ من ابليس واقول ازمه وتعدي الله يشفيها والله بيرزقني باخوان لها والله متحطمه متحطمه بشكل فظيييييع انا عارفه انها بين رحمه ربي وربي الطف فيها منا بس عجزت عجزت اخلي نظرتي ايجابيه للحياه صرت كئيبه والله يابنات و المشكله انهم مانعينها من الزحمه والاطفال والاختلاط بالناس وبنتي اجتماعيه درجه اولى وكل يوم تسال من خواتي ومن عماتها وانا بعد احتاج اختلط في الناس وانسا همي بس اخاف اني اضرها بشي الحمدلله على كل حال والله يابنات ان كل شي يهون عند الصحه انتي بخير واطفالك بخير واهلك خلاص الدنيا حلوه والله يديم عليكم الصحه والعافيه والله يبشرني بعافية بنتي ويصلح حالي ويرزقني الصبر ويكتب اجرنا