بنتي

السلام عليكم يا اخواتي العزيزات ترددت كثير في كتابه الموضوع انا ام وكبيره في عمري عمري 61 سنه بنتي عمرها 33 سنه مريضه سكري من يوم عمرها 10 سنوات يتقدمون لها الناس و بعدين يرفضون بحجه مرض السكري بنتي وحيدتي ماعندي غيرها في الدنيا لاعندي ولد ولا بنات الا هي اخواتي زوجو عيالهم من برا اخاف اموت واخليها وحيده كتابتي لهذا الموضوع عشان الناس والعالم يفهمون ان مريضه السكري مو طريحه الفراش والله العظيم بنتي هي اللي قايمه بالبيت وتشتغل وتغسل وتكوي الملابس وسنعه زيها زي اي وحده طبيعيه ليش المجتمع غبي كذا ابوها متوفي من زمان اخذت الماجستير والدكتوراه الله يحفظها ورفعت راسي لاكن الخطاب ينحاشون اذا عرفو انها مريضه سكر حتى اخواتي وعيال اخواتي مايبون بنتي عشانها مريضه سكر ياربي كيف المجتمع يفكر انا موظفه الحمدلله في منصب وصديقاتي دائماً يسألوني ليش بنتك للحين ماتزوجت بالله ايش ارد عليهم اقولهم رفضوها الخطاب عشان السكر اخر واحد تقدم لبنتي استشاري غدد صماء وسكري وبعدها معد شفنا وجهه يقول ما بتزوج مريضه سكر هذا وهو استشاري ومتعلم وش هالمجتمع ياربي ماابغى بنتي تكون وحيده بنتي ماطقت للموضوع خبر مشغوله بوظيفتها لاكن انا مو دايمه لها كل هذا الرفض بسبب مرض السكري اتمنى ان هذا الشي ينشر في مجتمعنا ونحاول ننشر الوعي ان مريض السكر مو طريح الفراش يا جماعه متى يفهمون الناس واذا على الوراثه النوع الاول من السكري مو وراثه لا اهلي ولا اهل ابوها مصابين بالسكر هذا ابتلاء من الله اللي في عمرها صارو عيالهم بالمدارس