بنتي

الحلوه المزيونه💕 :

وعليكم السلام ورحمة الله خذي الموضوع برحابة صدر ولاتبيني توترك لبنتك لانها الان متفاجئه ومصدومه من هالشي احضنيها وقولي لها انها خلاص كبرت وصارت عروسه وان هالشي يصير لكل البنات وفهميها انه راح تجيها كل شهر مره وبسطي لها الامر وانه طبيعي وحتى انت امها تجيك وهالكلام كله بينك وبينها وانه اللي تجيها خلاص صارت كبيره وفاهمه ولازم تحافظ على الصلاه والصيام والحجاب زيها زي البنات الكبيرات وقولي لها انها بتتحجب وتلبس العبايه مثلك بالزبط لانها صارت كبيره زي ماما علميها النظافه الشخصيه وكيف تلبس الفوطه وكم مره تغيرها جيبي لها هديه بهالمناسه وغلفيها لها مثل مكينة امجوي للبنات اللي تزيل الشعر او ممكن مجموعة عطور بروائح الفواكه مع غسول ولوشن من زهور الريف اوبودي شوب وتعلميها استخدامها اللي تشوفيه يناسب بنتك اشتري لها طبعا لازم وقت المدرسه تفهميها انه تاخد في الشنطه فوطه احتياط وتتعلم كيف ترميها بترتيب في زبالة الحمام وراعي نفسيتها هالفتره وخليك قريبه منها وقولي لها اي شي تبغى تسالك لاتخجل وسوي لها مغلي النعناع تشربه دافي يخفف لها المغص ويهدي اعصابها وكلها دورتين ثلاثه وخلاص تتعود ويصير الوضع عندها عادي المهم ردة فعلك وكلامك معاها في البدايه تكون هاااااديه وتحسسيها بالامان وانه جدا طبيعي حتى ماتتحسس من هالشي وتتعب نفسيتها والله يبارك لك فيها وتشوفيها عروسه

وعليكم السلام ورحمة الله خذي الموضوع برحابة صدر ولاتبيني توترك لبنتك لانها الان متفاجئه ومصدومه...