نرجس @Nrjas

عضوة جديدة

بنتي

السلام عليكم ورحمة الله وبركاته
حبيباتي عندي استفسار لاني ماني عارفه انا صح او غلط
انا عندي بنت فقط عمرها ١٣ ومن لما كانت صغيره ماتركها لحالها ومن ستة أشهر تقريبا بدت تقول ياماما انتي خنفتيني اتركيني اعتمد على نفسي قصدها بالخرجات واقولها انتي صغيره اذا كبرتي ان شاء الله ،
واحياناً تسالني اذا صرت بالثانوي تتركيني اروح لوحدي المدرسه واحيانا لما أكون خارجه سوبرماركت بالنهار تقولي ماما لو اطلع لوحدي للسوبرماركت ماراح يصيرلي شئ بس انتي خوفك أوفر ..
مره بنت عمها تصورلها وهي خارجة لوحدها بقاله في نفس الحي تبعهم جتني تقولي شوفي ياماما خارجه لوحدها ،،،
انا حريصه عليها حتى المدرسه اوصلها وارجعها واحسها متضايقه

ماني عارفه انا خانقة البنت او لا بتصرفاتي معاها مع اني اخرجها واي شئ تبغاه اوفره لها

839

يلزم عليك تسجيل الدخول أولًا لكتابة تعليق.

تسجيل دخول

الحكيمة 2 • سنتين

لا حبيبتي انتي صح ونص هذا الوقت يبغى له كذا تكلمي مع بنت عمها انها ماتصير ترسل صور وهي خارجة لوحدها وتنكد على البنت وتخليها تحس انها مو زي البنات. حافظي على بنتك هالزمان هذا يخوف تروح السوبرماركت لوحدها الكبار ماسلموا من الأشياء اللي تصير داخله من تحرش وقلة حياء. ابدا ماترخي كلنا امهاتنا راحوا معانا للمدرسة ومايخلونا نخرج وكنا نتضايق بسبب التنمر امك تجيبك امك توديك ليش ماتخليك تجي لوحدك والحمد لله لما كبرنا عرفنا السبب.

ام وليدي❤️ • سنتين

هذا الصح بس المشكله المراهقين مايفهموه يفكرو انه تسلط من الاهل ويصيرو يحسو بالاضطهاد والظلم ويكرهو اهاليهم مايدروا ان قلب الوالد ضعيف ويخاف ع عياله من الهوى

Sunshine • سنتين

انا اشوف تعطينها شوية حرية افضل شوية بس لانها لسة صغيرة ، يعني كم مرة بس الين ما تكبر
صدقيني لو تشددتي معها وخنقتيها مو بصالحك
وحلو انك تطلعينها وتمشينها

نرجس • سنتين

Sunshine :

انا اشوف تعطينها شوية حرية افضل شوية بس لانها لسة صغيرة ، يعني كم مرة بس الين ما تكبر صدقيني لو تشددتي معها وخنقتيها مو بصالحك وحلو انك تطلعينها وتمشينها

انا اشوف تعطينها شوية حرية افضل شوية بس لانها لسة صغيرة ، يعني كم مرة بس الين ما تكبر صدقيني لو...

انا اطلع فيها مولات واحيانا ماتبغى تخرج بس اجبرها على الخرجه للمولات ..
اخاف عليها تخرج لوحدها بنتي بلغت من شهر وماتتغطى فاخاف احد يتحرش فيها بالبقالة اواي مكان ،، قلبي مايطاوعني

زائرة • سنتين

أنا أشوف معك حق و كل الحق بتصرفاتك معاها بالعكس الافضل انك تكونين حوالينها و تديرين بالك عليها ولا انها تتأذى أو تتعرض لموقف يضرها