بسم الله ... اللهم اني عبدك ابن عبدك ابن امتك ..ماض في حكمك .. عدل في قضائك
احمد الله على ماقدر واحمده على لطفه
البارح ..يوم الجمعه .. العصر
مسكت بنتي الحبيبه صندوق البريد وتبي تثبته وطاح على يدها وجات بدون ولا صياح تدورني ولقيتني ومدت يدها لي .......... يعني شوفيني والحقيني
عاد انا ....... فزيت من مكاني وقمت وقلت ...... بسم الله عليك يابطله .. ماشاء الله عليك ... قويه وبطله .. (مدري وش قلت لاني الظاهر اقوي نفسي لان ما اطيق شوفة الدم ويدها كانت مختفيه معالمها كلها حمراء نسأل الله السلامه ....)
وطبقت على يدها بكل هدوء وقلت تعالي لأبوك عشان نطمن عليك ..
وتدخلت اخت زوجي ربي يسعدها وقال وريني ........ عاد انا بحلقت فيها قلت بعيوني (لااااااااا) انا ما اقدر قالت هات انا بشوفها ومديت لها بيدها ويوم شالت يدها بنتي عن يدي كانت يدي معبيه دم .. انا هنا انفجعت جد جد
وراحت غسلت يدها حماتي وأشرت لي بعيونها ( ان الفتحه جامده ......... )
ورحت لأبوها وشافها بكل هدوء ( وقال بس بنطمن عليك فالمستشفى ونرجع) بعد ما رجع من المستشفى قلت وش انطباعك يوم شفت الجرح سألته قال وربي اني انفجعت ماشفت الا بياض مدري العظم والا الشحم ........!!
بس ما ابي افجع البنت
لانه كره الفجعات من ذكرى مع بنتي الاكبر الله لا يعيدها ...........فصار يهدأ دايم
ومن المضحك ان بنتي صاحت على من حولها وتقول( من اعطاني عين ..؟؟؟) << اخس يالواثقه
وجلسنا نضحك في قمة التوتر .......
عموما راحت مع ابوها المستشفى خمس ونص عصر ........ وسوو لها اشعه
دق علي وقال .. كسرين وشعــــر .. بس وحده من الكسور مضاعف ويحتاج سحبه عشان يتعدل
( يالطيف........ يالله )
عاد هي اخذت غفوه في حضن ابوها وقامت على ابره الدكتور وسط القطع وقامت من الالم وهي تصيح يادكتور الله يدخلك الجنه خلاص خلاص
يقول زوجي استانس الدكتور .. من الدعاء له ..!!
عاد عشان تكونون معي بالصوره
الاصبع الاوسط ..الوسطى انقطع من تحت الظفر الى اخر الاصبع .... وخمس غرز
والبنصر غرزتين
والخنصر غرزه
وبعدين سحب الاصبع لين طق ....... :44::44:
ومن ثم اشعه ثانيه للتأكد من سلامة العظم وصحة تعديله
وبعدين جبس .. ومضاد 10 ايام ومسكن
ورجع زوجي بعد اربع ساعات وانا خلاص مافيني عرق ينبض
واحمدالله على كل حال ......... حزنت مدري كيف بيطلع شكلها بعد الجبس او منظرها بس اللهم اجعلنا راضين بما يقسم حتى نرى البليه عطيه ...... والمحنه منحه ياربي ياعظيم
والله يحفظلكم عيالكم ولايريكم مكروه فيهم ... قادر يا كريم
يلزم عليك تسجيل الدخول أولًا لكتابة تعليق.
الصفحة الأخيرة
ذكرتيني بولدي وهو عمره سنه ونصف تسكر الباب على اصبعه الصغيره وانخلع الظفر كامل ونزف دم واجد والله ذاك اليوم ابكي وابوه عيونه دمعت وفي المستشفي واقفين الاثنين فوق راسه وشكلنا يحزن الله يحفظ عيالنا من كل شر يارب