بنتي اتعاني من زكام دائم ..وأدوية المستشفى ما جابت نتيجه؟؟؟

فيه بخاخ يبيعونه بالصدليات عباره عن مويه وملح تبخينه بخشمها وتشترين الشفاط وتشفطين الي بداخل خشمها ترتاح انشالله

انا عيالي لما يزكمون ادهن بطن رجولهم بفكس زييييييين
وبعدين البسهم شراب
وان شاء الله ماتشوف شر
ماجربتي تنقطين في خشمها زيت زيتون؟؟

شوفي أختي أنا عندي بنتين الله يخليهم لي ويخليك لبنتك من جبتهم إلا الأن وهم ماقد طابو زكام وكحه وترجيع وأنتي بكرامه حتى صاروا أسبوع يطيبون وأسبوعين يمرضون وعلى ها الحال .....

جلست شهر كامل أول مره الحمد لله ماشفت لازكام ولا غيره بسبب (( العسل الطبيعي )) مع حبه سوداء ورشاد

بس أنتي بنتك عمرها خمس شهور (( أنتبهي )) (( أنتبهي )) لاتستخدمين العسل أقل من عمر السنه بعد السنه أستخدميه والله يوم أني قطعت العسل أنهم رجعوا حتى الدكتور أخر شي سألت الدكتور قلتله كيف أكافحها قالي مالك غير العسل يوميا ... والصباح على الريق ..

زي ماقلتلك بنتك صغيره ولسى بدري عليها ....أنا بناتي وحده سنتين ونص والثانيه سنه ونص ...

مالك ألا قطره الملح وحاولي أنك ماتعرضينها للبرد والله يصبرك ويريحك ...

وأتوقع ها الفتره الكل يعاني لأن بناتي الأن زكام وكحه ....

اختي الزكام بالكثير اسبوع ويتعافى المريض منة
والي بنتك اكيد حساسية في الصدر او الجيوب الانفية
والله يعافيهااااااااا

ما قصرتوا خواتي....فعلا الدكتور خبرني إنها حساسيه ....الحمدلله ما وصلت للصدر بس في الجيوب ....جزاكم الله الف خير ...كنت ابا أعرف إذا فيه دوا في البيت غير الماي والملح ؟؟؟لانه أدوية البيت أحسن من المستشفيات اللي تعبتنا...يعني ما في حل للحساسيه ؟؟؟