بنتي اتعبتنــــــــــــــــــــي وانا ـ ـ ـ ـ ـ ـ

بصراحة ذا الشئ مرة صعب حاولي اعطيها حليب صناعي

اقولك تجربتي ..
بنتي حملت عليها لما كان عمرها 9 شهور وما كانت ترضع الا مني وتعبتني لكن الحمدلله الموضوع كله خذا مني اسبوعين عشان افطمها ..
اول شي لازم تصبري وخلي اطمنك، ناس واجدين خوفوني زيك بس انا سألت دكتورة اطفال ان كان حليبي يضرها وقالتلي لا .. وسألت دكتورة نساء ان كان رضاعتي لها في خطر عالبيبي الجنين قالتلي لا بس كل القصة ان حليبي بتريح الفائدة منه وراح ينقص اصلا من الحمل وانه حيأثر على صحتي انا لان البيبي يتغذى منك وهي كذلك تتغذى منك وانتي مش شمشون الجبار هههههههههههههه ^_^
عموما ما اعرف ان كنتي تشربي لبنتك المويا في كوب او لا .. المهم انا بنتي كانت بتشرب المية في الكوب فاشتريت رضعة فمها كبير مثل الكوب وحطيت فيها مويا وصرت اشربها منها بدون الانبوبة .. لما تعودت عليها صرت قدامها اركب الانبوبة عل المرضعة كانت ترفض تاخذ في الاول بس مرة على مرة اقتنعت بيها وبدأت تشرب المويا عن طريق الانبوبة .. طبعا جربت بالحليب في الاول ورفضتها رفض قاطع لهذا يمكن كانت تخاف تجرب تحط الانبوبة في فمها .. فإنتي جربي برضعة جديدة عليها والوانها حلوة بالمويا بس في الاول لمدة كم يوم لين تاخذ عليها وتشرب المويا في هذه الرضعة بالانبوبة ..
الخطوة اللي بعدها بديت احط في المويا شوييييييييي حليب يعني بحيث ان طعمه ما يبانش .. ولما بديت اسويلها هالشي بديت انقصلها من رضعات صدري واحاول الهيها بحاجة تاكلها بسكويت او اي شي المهم لازم تفطميها من صدرك بالتدريج احسن لك انتي عشان الحليب ما يطوب في صدرك وحتى عشان هي ما يجيها التغيير مفاجئ فتبطل تاخذ حليب نهائي وتكره سيرته .. المهم بديت كل يومين ازيد مقدار الحليب وبالمقابل انقص رضعات صدري .. ومش مهم عندي انها تكمل رضعتها اخليها تلعب واعطيها شوية واقوللها خوذي مويا فتجي على اساس مويا وفي نفس الوقت بدأت تاخذ تدريجيا على طعمة الحليب الجديد لانك بتزيديه بالتدريج وفي نفس الوقت يمكن الجوع من قلة رضاعتك لها تبغى تعوض باي سوائل ..

اول مرة كان مقدار 6 ارقام مية ونص مكيال حليب بعدين مكيال بعدين مكيالين وما طقينا اسبوع الا وهي تاخذ في 3 مكاييل حليب في نفس المقدار مية ومش مستغربة طعمته وكانت ترضع مني مرتين باليوم بعد هذا الاسبوع ... خليتها بعدها ترضع مني مرة باليوم وباقي النهار من الرضعة وكل يومين ازيد مكيال ولما بدات تشرب عادي الحليب بالمكيال العادي المكتوب على العلبة بطلت ارضعها من صدري .. لا انا تعبت من الحليب في صدري ولا هي حست اني جبرتها على شي معين..

بس اهم شي اهم شي .. اصبري ولما تمشي معاها خطوة لقدام ردي بالك ترجعي خطوة للخلف لان اخطر شي الانتكاسة ممكن ماتخليهاش تتقبل نفس التجربة بعدين من جديد .. وزي ماقلتلك استعيني بالبسكويت والحاجات اللي هي تحبها عشان تنسيها حليبك بأي طريقة وتنقصي تدريجيا .. اكيد حتمري بلحظات صعبة تشفقي فيها عليها وهي تناديك تبي ترضع لكن لا تضعفي و اتذكري ان هذا في صالحك وصالحها ..

واستعيني بالدعاء حبيبتي .. والله الدعاء له مفعول عجيب .. يكفي ان بعد الدعاء الله هو اللي الهمني هالفكرة بعد كنت قريب اياس مع محاولات عديدة قبل هذه المحاولة اللي نجحت وحكيتلك عليها ...يعني هذه التجربة الناجحة ربي اكرمني بيها وجتني الفكرة زي الصاعقة فجأة وانا كنت بدعي ربي مش حد نصحني بيها ..

والله يعينك ويصبرك وتفرحي بيها وينوضك انتي والبيبي بسلامة ياااااااااااا رب