بنتي احرجتني .. ياليت تنصحوني ...

بعديها عن أعمامها الصغار.. شوي مو على طول
حاولي تتعرفين على ناس عندهم بنوتات
وقوي علاقتك معاهم
أخذيها للروضة...بنتك في سن الروضة...إنتي تودينها ولا لا؟؟؟؟
الله يعينك عليها
لازم تلحقين عليها
التعليم بالصغر كالنقش عالحجر

عاد ياقلبي اختي يوم كانت صغيره كانت كذا وكنا نسميه معاذ لانه بين 3 اولاد اكبر منه واصغر وتاثرت مره بهم
بس والله من يوم دخلت المتوسطه تغيرت تغير جذري ماتصدقين صارت انواع النعومه وتحب الكشخه

عااااااادي اختي جتها فتررره ماتبي الاثياب العيااااااال
اتوقع تاثرت بعمامها

ماأدري بس لازم تستشيري اخصائيه نفسيه ولحقي على الموضوع قبل مايكبر انا اللي جا في بالي الحين يعني على الاقل مثلا اجتمعي مع البنات اللي قلتي عنهم ادعيهم لبيتك والعبي وسولفي معهم من غير ماتنادي بنتك والعبي اذا فيه امكانيه العاب خاصه في البنات واضحكو والعبو بأسلوب مستفز لها واذا حاولت تلعب معاكم خليها مميزه وهي تلعب الفتي انظار البنات بأي كلمه لها مثلا ماشاء الله تعرفي تلعبي احسن مني المهم عززي شخصيتها وحاولي ماتخليها تختلط مع الاولاد وميزيها باللبس وخليها تحتار وهي تختار الملابس سواء في البيت او المحلات شتتيها يعني مثلا وشرايك اليوم حابه تلبسي تنوره وبلوزه مع طقم اكسسوار بناتي وتصيري مثل فلانه واذكري لها من في مثل عمرها او حابه بنطلون مثل... اذكري لها اي احد لو شخصيه في فيلم كرتون ولبسيها ذهب وقولي انه خاص وغالي بس للبنات وخليها جنبك دايم وحببيها في نفسها واشغليها بأي شي في البيت وتكلمي عن المستقبل القريب يعني مثلا ترى بعد سنه بتدخلي المدرسه واشتري لك مريول حلو وشنطة فله وبخلي شعرك طويل و و وتكلمي عن اللي يحبونه البنات في مثل عمرها ولاتوضحي انك زعلانه منها اذا قالت انها ولد لأن الاطفال يعاندون وخليها تشغل نفسها بالرسم او مشاهدة القنوات الهادفه وخلي ابوها يدللها زياده وانتي بعد لاتقصري معاها .....والله يعينك ويقر عينك بها..........

لاتهتز ثقتك بنفسك

اذا جت وقالت انا ولد يمكن لانها تعلقت باعمامهم الاولاد ولانها تبي يكون لها اخ ولد ؟؟؟

سؤال حاولتي تتقربين منها وتعرفين ليش تبي تصير ولد ؟؟

انا اعطيك فكره مدري اذا تناسبك اولا ؟ وحده عرفتها الله يجزاها خير تحب تتعامل مع عقل الطفل بالضبط وتطبق عليهم الواقع اللى يعيشونه عليها لحد ماتسيطر عليهم وتغيرهم

قبل كل شي

اعرفي شخيصه بنتك

لو اشتريتي لها شباصات والعاب بنوتات جدد تحب تلعب بهم او لا

هل بنتك عندها لعبه تحبها ومتعلقه فيها او اي شي متعلقه فيه

وعندك طفله في عمر اصغر منها في عائلتك بنت اختك بنت اخوك بنت خالتك اي بنت صغيره اصغر من بنتك

استاذني امها وجيبيها عندك البيت ولاعبيها بالعاب بنتك شوفي رده فعلها شنوو تسوي احد غيرها يااخذ العابها

لاحظي تصرفاتها واذا قالت حقي او هذا لي قولي لها مو انتي ولد ؟ اذا تمسكت بالشي يعني خايفه عليه

بطريقتك اقنعيها لازم هذا الشي يعطى لهذه البنت الصغيره لا ن هذه بنت ( البنت الجديده ضيفه العائله)

وانها ماتحتاجه لانها ولد
قولي لها بعطي هذه لفلانه ؟

وشوفي بنت راقبيها

يمكن تتغير وتغار من البنت وترجع تقول انها بنت

ومثل ماقالت الاخت ابعديها عن اعمامهم مو تقطيعها عنهم بس قلللي روحاتها وجيتها من عندهم


وهي تحتاج للروضه حتى تختلط ببنات في عمرها
الله يصلحهااويسعدهااا