بنتي اغمى عليها في الحمام ... ادخلوا عشان ما يصير لكم اللي صار لي

بنتي حبيتي جاتها حساسية لأول مرة ما أعرف من شي أكلته أو من ايش بالضبط
كانت في بيت أهل زوجي ولما جات البيت شفت جسمها كله حبوب وأحمر
وخدودها متورمة وحمرا
المهم وديتها المستشفى قالت لي الدكتورة هذي حساسية وكل الأطفال تجيهم حساسية
من نوع معين من الأكل يعني بيض أو سمك أو دجاج الخ.... وقالت لي بما أنها تمشي وتتحرك وتلعب فلا باس الا اذا جاتها أزمة تنفس يعني ما قدرت تتنفس بشكل طبيعي فلازم أرجعها مرة ثانية عشان فحوصات
المهم :
عطتني دوا مضاد للحساسية ودوا ادهن به جسمها
وكل شي تمام
اليوم الثاني الصبح البنت كانت تنظف أسنانها وما سمعت الا صوتها تصرخ
ولما رحت شفت منظرها الله لا يوريه لأي أم إن شاء الله شفتها حبيبتي وهي مستلقيه على الحوض والماي يخر عليها وشفايفها زرقا وكأن فيها حالة تشنج
أنا جن جنوني لما شفتها ووديناها المستشفى وسووا لها فحص دم وطلع عندها التهاب بسيط في الدم والحمد الله
وقالت لي الدكتورة ان هذا اللي صار
كله بسبب الحساسية وأنا على بالي ان الحساسية شي هين :(

أنا بغيت أشارككم عشان في حالة لا سمح الله ان أي وحده تتعرض للي تعرضت له
ما تهمل أولادها وتكون وراهم عشان لا سمح الله ما يصير فيهم شي وهي
ما عندها خبر يعني كوني معاهم وين ما يروحوا لين يخفوا