10manal10 @10manal10

عضوة جديدة

بنتي الاولي على صفها~~~~بس انا حزينه

السلام عليكم ورحمه الله وبركاته

ضايق صدري وحابه اني اخفف الي بداخلي لخواتي بنات حواء

انا مغتربه بامريكا وامس بنتي رجعت من المدرسه فرحاااانه وفي نفس الوقت زعلانه كانت تجري من الباص حامله اشياء كثيره لما قربت شفت كاس وميداليه وشهادات كثير قلت ايش كل هذا قالت لي اليوم كان حفل التخرج من الاول ابتدائي وانا اخذت الاولى وانت ما حضرتوا كان احد صفعني اقول كيف ما قلتيلي قالت انا ما اعرف بالبدايه قمت الوم بالمدرسه وقلت هذي غلطتهم بعدين جاء زوجي وعرف وانقهر لما سمع ان بنتنا الوحيده الي اهلها ما حضروا من صفها وصار يلومهم على الاهمال باخبار الاهالي بعدين تذكرت الاوراق ارسلوها وكانت معي انا الي نسيت اااااااااااخ حاسه بتانيب ضمير ما اتصورونه رحت وقلت لزوجي وبنتي انها غلطتي بنتي قالت السنه الجايه تعالي وصوريني وزوجي قام يخفف عني ويقول الي ما هو مكتوب مستحيل يمكن ربي دافع عنا شيء بس انا مو قادره اطالع بنتي خجلانه منها وعدتها اروح للمدرسه اليوم واصورها مع كل مدرساتها وزمايلها وزوجي حرمته من ذي اللحضه مفروض اني الحين اسعد ام خاصه اني معها خطوه خطوه كيف اهملت يوم مهم مثل هذا:(
نصيحه يا خواتي اي مواعيد او مذكرات سييييده اكتبيه على الثلاجه افكر اني اطبع مجموعه اوراق واكتب الي صور الحفل كامل يكلمني طبعا مبلغ مالي كذا يمشون الامريكان مصالح مشتركه تقولون بنتي بتنسى ولا في يوم بذكرني باهمالي لهذا اليوم؟؟؟
ولا زوجي هل هو فعلا مسامحني ولا بس ما يبي يضغط علي ؟؟؟

ما ابي اثقل عليكم بس مالي الا الله ثم انتوا اتكلم معاه والي بغربه مهما كان عندها اصدقاء تحس بالوحده من غير خواتها:26::26:

يلزم عليك تسجيل الدخول أولًا لكتابة تعليق.

تسجيل دخول

دلـxحبيبهاxـوعـة • 13 سنة

يا قلبو اول شي ماشاء الله تبارك الله مبروووك يارب للاعلى دائمآ كلنا ننسى رفع عن امتي الخطاء والنسيان اهم شي ان بنتك ما خيبت تعبك وظنك فيها وعقبال ما تفرحين بتخرجها وزواجها يارب الغربه مو غربة بلد الغربه غربت روح وانا اختك ياما ناس في بلد واحد واغراب رغم انهم قراب الله يسعدك يارب وعقبال باقي الطالبات والطلاب ولا يخيب تعبهم

بنت أطيب إنسان • 13 سنة

يوووووووووه الله يعوضكم بفرحه تخرجها من الجامعه الأولى يااااااااارب

مومشكله السنين جايه ان شاء الله وتعوضينها ألف ألف مبروووووووووووك

اوراكيدا.. • 13 سنة

يله كل دقة بتعليمه :) يعني هالموقف رايح يخليك حريصه طول العمر انك تنتبهي ووتحظر ان شاءلله- وسوي زي ماقلتي اللي صور الحفل اشتري منه وسوي حفله بالبيت وحطي الصور اللي اشتريتها صور حفل المدرسه ... وعيشي الفرحه وانسي اللي صااااااار لانه صار ماضي مستحيل يرجع او تغيري فيه شي

#تفيخه منفووخه # • 13 سنة

ان شاء الله تعوضينه بالمرات الجاايه

ووغريبه بنتك ماازعجتكم بالحفل بالعااده الاطفال ينشبوون بالحلق

طيب اطلبي شريط فديوو للحفل اكيد مصورينه وشوفيه

وعوضيها بحفله بالبيت تجمع صديقاتهاا مع اهاليهم وكرميها قدامهم وبكذا مافوتي الحفل

وعقبال ان شاء الله تشوفيها عروس بس انتبهي ماتحضررين العررس
هههههههاااي <<<امززح

صفرا طويله • 13 سنة

معوضه خيييير