بنتي الصغيرة فتحت باب الساحة ولقت الحرامي قدامها ..والحين ندور على شقة.

السلام عليكم ورحمة الله وبركاته ...
وكل عام وانتم بخير ...
طبعا بتقرون الموضوع وبتقولون وش هالسخافة على طول بتطلعون من البيت
الحكاية ومافيها انه صار لنا سنة واحنا في هالبيت دور ارضي في حارة كلها سرقات وجرائم والله من يوم سكنى هالبيت وانا مو مرتاحة عايشة في رعب وزوجي الله يسامحه كل يوم اقوله خلنا ندور غيره وهو مو راضي ابدا والمصيبة انه ايجاره غالي بالمرة والبيت كبير علينا بالمرة وساحته برضو كبيرة وفي شجرة جنب باب البيت يعني سهل اللي يتسلق عليها بسرعة ينط في الساحة
المهم البارح بعد ما رجعنا من بره البيت على طول خشيت غرفتي عشان انوم بنتي الصغيرة مرررة عمرها 3 شهور كنا تعبانين وباقي بناتي راحو لغرفتهم وجلسوا يلعبون وشوي الا وتسمع بنتي اللي عمرها 9 سنوات تسمع صوت الباب يدق وعلى طول راحت لحد الباب اللي يطلع على بره الساحة وهي تقول مين مين وهو يتكلم بلغة ماعرفتها مع ان بنتي من النوع الخوااااااف مررررررة وما عمرها فتحت الباب لاحد الا لحد ماتتأكد مين هو الا هالمرة فتحت الباب على طول وشافت رجال لابس اسود في اسود والساحة ظلااااااااااام وهو هرب على طول ورمى حديده كانت معه وبنتي من هول الصدمة وقفت في مكانها بدون حراااااك وستر من الله ماعملها شي وبعدين رجعت وصكرت الباب وراحت للغرفة وهي ساكتة ماعلمتني ولا علمت اختها ونامت ولما جا الظهر اليوم قالت لي يا ماما في واحد دق علينا الباب وبعدين سكتت وانا مالقيت لها بال على بالي انه تتوهم ولما جا المغرب وكنا نبغى نروح علمتني انا وابوها في السيارة كل التفاصيل وبغينا ننجن حتى ابوها اول مرة يصدق هالاشياء وبالاخير قررنا نطلع من البيت وبكرة زوجي بيدور على شقق للايجار لانها اكثر امااااان والله الواحد صار يخاف بلا فلل بلا بيوت كبيرة هي المعرضة دائما للسرقات
واللي تعرف لها كذا شقة في حي الروضة او الاندلس او الخليج تكون نظيفة وجديدة وفيها 3 غرف ومجلس وحمامين ومطبخ بمستودع ويكون اخر حد لها 25 الف في السنة الله يجزاكم خير ....