اعرفي انك مسئولة عن العدل بين اطفالك عند الله سبحانه وتعالى ومحاسبة على ذلك
الاعرابي لما قبًل واحد من ابنائه امام النبي عليه الصلاة والسلام أمره النبي بتقبيل باقي الابناء
فما يجوز انك تاخذين لعبة اختها وتشترين لها
كذا تعززين تصرف بنتك الصغيرة الغلط
وتخلين اختها الكبيرة تحقد عليها وتكرهها وتفرقين بينهم


وبنتك الافضل تروحين فيها وقت ما فيه زحمة كم مره
للتاديب فقط
خذيها وبس تبكي اجلسي جنبها وبصوت واطي وهادي قولي " هذا غلط انا بمشي تبين تجين تعالي " وامشي وخليها ويكون معاك وحده من اخواتك مغيره طريقة عبايتها
وتوقف من بعيد تحرسها وخليها تبكي في مكانها وامشي وخليها لا تلفين لها
صدقيني ماعاد توقف وتبكي وتضرب نفسها بتخاف وتصير تنشب فيك
وطبعا لا تدري ان خالتها واقفه عندها خليها تبين ضايعه وانتبهي انتبهي تتكلمين عن هذا الموقف قدامها ترى الاطفال اذكياء


وسالفة اذا طلبت شي جلست تبكي الين تشتريه قولي لا وخلاص طنشيها تماما
ترى اغلب الاطفال في العمر هذا يمرون بالمرحلة هذي
وكل الاهالي يطالعونك وراحمينك لا تخافين بالعكس جالسين يقولون " مسكينة شوفي كيف طفلتها عسره "
فانت اذا طنشيتها وفي البيت عاقبتيها
مثلا اشتري في الطريق لاختها حلاوة مصاص وقولي هذي لفلانه لانها مؤدبة
واذا بكت قولي المره الجايه اذا صرتي مؤدبة اشتريت لك ان شاء الله
بتغثك وبتشغلك
ترى التأديب مو سهل
ولا تغيير طبع في طفل
لكن بيدك يكون الطبع هذا العمر كله " باقي طفولتها - مراهقتها - شبابها " بكل التغيرات اللي بتكون فيها
والا تأدبينها مدام لسا عجينة بيدك تتعبين كم اسبوع او كم شهر ثم ترتاحين باقي عمرك




وبالنسبة للحضانة وتتعود من الان على الانفصال عنك بدال ما تتعبين اذا كبرت

هي عرفت نقطه ضعفكك خليهاااا تبكي لين يصفى راسهاااا وتدري انك مابتعطينها وجهه مرره ع مرررره وتبطل دلع

للاسف عِنـ.̷̷̸̷̐ـديّ الي مكفيني الله يهديهم




بس سمعت عن دعاء اللهم الف بين قلوبنا دوري عليه واقريه وشوفي فايدته العظيمه

كثير اطفال كذا اختي كانت الين المتوسط تسوي هالحركةوالغلط من اهلي لانهم كانوا يسمعون لها دايما ويرضخونبعدها بطلوا لو ايش ماتسوي من بعدها تادبتطنشيها تماما ولما تسوي هالحركة اجلس بمستواها وناظري عيونها وقوليلها أنه لأ مارح نشتري هاللعبة والحين تمشين معي ماتبين خليك مكانك احنا بنروحوفعلا مثل ماقالت واحدة من الاخوات اتفرجي سوبر ناني رهيبة بهالمواضيع

اقسم بالله دلع فيها عندي بنت في عمرها اذا قلت ادبها اضربها وتهجد انتي شكلك دلعتيها زياده واتقي الله في اختها الكبيره ترجعين لعبتها عشان ترضين الصغيره لو منك اصفقها كف واروح واخليها اقسم بالله تتأدب وتمشي زي الألف وترى خمس سنين مو جاهله تميز الصح من الغلط بنتي عمرها 3 ونص مشاء الله تميز الصح من الغلط .
بنت اخوي هي وحيدتهم بين ثلاث اولاد وعمرها 5 تسوي نفس حركات بنتك وتتسدح وتصيح في الاسواق والمنتزهات لان ابوها دلعها الحين امها تنزل السوق بعد ماتطلع روحها من كثر ماتطلبه ومايرضى يوديها بسهوله عشان ذا البنت بعد ماهجدوها بالضرب تحسنت عن اول .
صراحه لو بنتي كذا كان ذبحتها يكفي اني ما اصدق على الله اطلع اتمشى واتفسح تجي هي تبكي وتصيح تخرب جونا .
انتي خليها تصيح لين يغمى عليها لا تعطينها اللي تطلبه كل مره اذا كبرت مابتقدرين عليها لا انتي ولا ابوها بتتمرد عليكم وتندمون طول العمر .
ربي بنتك على احترامك وسماع كلامك اما اذا خليتيها كذا بتصرفاتها وصياحها تمشيك على كيفها بتكبر على كذا .
شوفي موضوع وحده من الاخوات تكلمت عن اختها قالت عمرها 15 على ما اعتقد وتكسر اثاث بيتهم وتصيح وتتشنج من كثر الصياح عشان ينفذون لها رغباتها في تغيير جوال اذا جوال خلاها تسوي كذا اجل غيره وش تسوي فيه الحقي على بنتك وادبيها لا تكرهك حياتك بعدين والله ماينفعك الندم.
والدلع الزائد خليه عنك والله ماينفع مع جيل اليوم غير الشده والا يتمردون .
اعذريني على كلامي لاكن انقهرت على حالك وبذات على تصرفك في ترجيع لعبة اختها الكبيره عشان تجيبين لصياحه لعبه ثانيه .
الله يهديك تصرفك غلط غلط