بنتي اللي في الثانوي وش اسوي معهااااااااااااااااا؟

تبين الصراحه والله مانصحكي تجيبنه لها اول شي راح يشغلهاا عن دراستهاا
وهي بثاني يعني لازم نسبه
وبعدين البلاك بيري مايصلح للصغااااااااااااااااااااااار

لاتحرمينها من شي تبيه وجيبيه لها بس مع مراقبه لاتحسسينها انها ناقصه قدام صاحبتها مهما كان هاذي بنتك وتربيتك
والله لو عندي بنت لاددلها وماخليها تطلب شي الا ويجيها
يارب ترزقني يارب

اشوف ياعيني انك ماتجيبينه لها وحاولي تقنعينها ... لانها توها صغيره وماتعرف مصلحة نفسها والجهاز جدا خطير .... يسوون قروبات وانواع السوالف شباب وبنات غير الصور والخرابيط .... الله يحفظ بنتك وبنات المسلمين

أنتبهي تجيبينه لها
عوديها مو كل شي تبيه يجيها
ترى البلاك زفت هذا مضيع شيبان فما بالك ببنت مراهقة تراها أمانة في عنقك .....
الله يصلحها

نصيحة ..

لا تجيبينه لها ..


أما إذا كبرت وصارت مسؤولة عن نفسها تجيبه هي لنفسها ..


لكن ما دامت تحت مسؤوليتك فلا تفرطين في الأمانة ..

حاولي تماطلين في الموضوع ..

أو إذا تقدرين تقنعينها وتقولين لها المفروض تكون واثقة من نفسها وتعتز برأيها قدام البنات .. وتقول لهم ما عندي بلاك بيري لأني ما أشوف فيه فائدة ..

قولي لها اختاري أي جهاز تبينه إلا البلاك بيري والآي فون

أقنعيها إنك تحبينها وتبين مصلحتها ..

وإن زميلاتها مسكينات .. فعلا والله مسكينات لأن ربي ما أنعم عليهم بأمهات حريصات عليهم ..

عطيها مثال الطفل لما يكون مريض ولازم يشرب الدواء ..

طبعاً الطفل ما يحب طعم الدواء ويبكي ويرفض ..

لو أمه رحمته وقالت والله مسيكين ولدي ما أبيه يتضايق ويزعل وما أعطته الدواء ..

هل تصرفها هذا حب وإلا رحمة وقتيه ؟؟ وهل فيه مصلحة له ؟؟

أما الأم إللي تحب ولدها صحيح بتعطيه الدواء في وقته حتى لو كان يبكي .. والطفل في هذي اللحظة يحس إن أمه تعذبه ..

لكن إذا كبر عرف إنها ما تسوي كذا إلا لأنها تحبه ..

والبنات ألحين نفس الشيء ..

الأم إللي ترفض بعض الأمور على بنتها حتى لو كانت البنت تبيه وتحس إن سعادتها فيها لكن في الواقع إن فيها ضرر عليها .. هذي الأم هي إللي تحب بنتها ..

أما الأم إللي تطاوع بنتها على كل شيء تطلبه .. فهذي والله ما تحبها محبة صادقة ..

شكلي طوّلت عليك .. بس ترى أنا عندي بنت 15 سنة وأعيش نفس وضعك ..

لكن كل فترة أعيد عليها نفس الكلام وتقتنع ..

وبعد فترة ترجع .. طبعاً من تأثير البنات ..

لكن أنا أعيد وأكرر .. وفي نفس الوقت أوفر لها كل شيء ما فيه ضرر عليها حتى لو أسعاره أضعاف سعر الأجهزة إللي مع البنات ..

ولا تنسين الدعاء ..