بنتي المراهقة

العمل لا يقتل وإن كان شاق ولكن الفراغ يقتل حتى أنبل مافي الإنسان، انصحك لا تتركينها وقتها يضيع بلا فائدة دخليها حلقات تحفيظ قرآن، علميها تسوي أطباق أكل معينه شعبية أو جديدة، شوفي موهبتها ونميها تحب الرسم جيبي لها أدوات تحب الخياطة جيبي لها أدوات، بنات هذولا اليومين يحبون المكياج يمكن أكثر تساريح الشعر دخليها معاهد، علميها تهتم في نفسها ترتب دولابها بنفسها تعطر ملابسها تسوي خلطات للشعر والبشرة حتى لو كانت فيه خدامة هذا ما يمنع ترتب سريرها بنفسها أو تطبق ملابسها عشان البنت تتعود على شغل البيت وهذي أشغال مناسبة لعمرها، الله يحفظها ويستر عليها ويرزقك برها ويعينك على تربيتها تربية صالحة 🌹

بنتي ام ١٣ بالمتوسط ماعندها جوال خاص
كل قروباتها المدرسه وصديقاتها برقمي
عندها ايباد وباتفاقيه معينه
اذا عند بنتك تيك توك انتبهي منه
يسرق العمر ياكل الوقت بشكل جنوني

الا عادي خليها تشتغل
تنظف غرفتك خليها تساعدك فيها
وريها طبخات قولي سوي لنا مثلها

وبيئة التحفيظ حلوه ومريحة نفسيا لاتحرمينها منها دخليها العصر تراها توها صغيره وتحفظ بسرعه
مخزون ذاكرتها خليه يتشبع بالقران

انا كنت مدخلتها حلقة تحفيظ بس قدر الله ونقلت بقرية عند اهل زوجي مافيها ادنى الطلعات ولا فيها حلقات قرآن كنت مسجلتها حلقة عن بعد وتركتها بسبب عدم الالتزام بالوقت
الحين احاول ارجعها لها باذن الله بس غيره ياامهات وجهوني هي احسها ضعيفة مو مثل البنات ماتعرف شي الا هالجوال نفسي ادخلها بقروب بنات بعمرها محافظات بس ماحصلت يعني يعطونها معلومات وشوي اهتمام والله اقولها رتبي دولابك سوي كذا ملولة ماتحب تسوي شي

سجليها بنادي رياضي حتى لو كانت نحيفه او خليها تستغل الوقت بمذاكرتها عشان ترفع معدلها وخذيها المكتبه خليها تختار كتب تقراها وخليها تاخذ دورات انقليزي او تتعلم لغه جديده او اي دورة بالحياه تتعلم شي تحبه

سجليها بتحفيظ
ومنهم بتلقى قروبات