هبة سالم

هبة سالم @hb_salm

عضوة نشيطة

بنتي المراهقة و العقاب

الأسرة والمجتمع

السلام عليكم


عندي بنت عمرها 13 و داخله في ال14 في ذوالقعده ان شاء الله يصير عمرها 14


اجتماعية بزيااااااده


و زود كذا ساكنين في عمارة فيها اعمامها و بنات اعمامها يعني بيت اهل الزوج


الله ينقلنا على خير و ييسر لنا البيت


مشكلتي لما اعاقبها اسحب منها الجوال


و هذا عقابي الوحيد و العقاب الثاني تنحرم من مقابلة بنات اعمامها خصوصا في الاجازة لان سمرتهم متواصله و ناس يصحوا و ناس يناموا و هي معاهم نومها خفيف و متقطع و تضحي باي شي عشان الوناسة و الجمعه


اعاقبها على ايش


على تركها للصلاة


و على اهمال بعض شغل البيت لان ما عندي خدامه تساعدني


فهي احيانا تغسل المواعين و تنشر الغسيل


اليوم عاقبتها و بكيت بكاء كأنوا ميت لها احد


و الله انفجعت عليها


و بس قويت قلبي قلت اكتبلكم ما اعرف لانها بكريتي


و الله يشهد و انا صغيرة كنت احب اسمع كلام امي حتى كنت احب انها تكلفني بعمل


بس كنا في بيت لوحدنا


و حبيت اذكر نقطه


لما اشيل الجوال تسمع الكلام و تصير زي الالف


علما ان الجوال مافيه الا الواتس


تتواصل مع صديقاتها


و عشان لما اكون برا ادق عليها اتطمن على اخوانها و طبعا ما اطول فقط للضرورة
40
19K

يلزم عليك تسجيل الدخول أولًا لكتابة تعليق.

تسجيل دخول

هبة سالم
هبة سالم
بأيش تنصحوني ؟؟
حـلا
حـلا
والله عورت قلبي تعاقبينها عشان تنظيف ترى توها صغيره يعني موشرط يومياً يكون الشغل .. علميها بشويش
احضنيها لاتكرهك .. وفهميها اللي انتي محتاجته ... خففي عنها الشغل وخليها تشتغل لو النص وخليها تعيش طفولتها لان لاكبرت بتنحبس اكثر
رتبي لها جدول خاص تسوي شغلات معينه كل يوم ...
كشكوليااات
كشكوليااات
فترة المراهقة لأبناءنا اعتبرها فترة صعبة جداً بالنسبة للوالدين فهم يواجهوا كمية من المشاعر المختلطة في شخص واحد فنجد العناد والتمسك بالرأي والضعف احيانا والتقليد الاعمى احياناً اخرى ....فيه مثل يقول (ان كبر ابنك خاويه )يعني اجعل منه صديقاً لذلك لابد من التقرب من بناتنا وابناءنا في هذه الفترة ومصاحبتهم ومعرفة مفاتيح شخصيتهم ...والدعاء لهم وان يسخرهم الله لنا .
حـلا
حـلا
انا اذكر كنت بمتوسط وابي اخذ اخوي الصغير معي المدرسه وامي خذته وقفلت عليه وجلست ابكي وتوني طاهره من الدوره رجعت ونزلت لي من جديد
سبب القهر والبكاء .. يعني ترى يمكن تتلخبط هرموناتها لو بكت كثيرر وانقهرت.. بس بعد لاتخلينها تشوف خوفك عليها وكذا عشان ماتمثل انها تبكي ووتتحكم فيك
بس حاولي ماتفجعيها كثير وتقهريها ... خلي لها جدول وتفاهمي معها كانك صاحبته وقوليلها ياحبيبتي وياعمري ومن هالكلام
وانتي شاطره لانك تساعديني وربي بيعطيك اجر ويدخلك الجنه ان شالله .. ومن هالكلام
هبة سالم
هبة سالم
الله يهديها


حلا حتى انا عورت قلبي بس مشكلتها الاجتماعيه بزيادة و انا كلو عليا لازم تعاونني شوية


كشكوليات يعني دحين تنصحوني اسمح لها تنزل عند بنات عمها