بنتي المراهقه والجوال 😞

السلام عليكم ورحمة الله وبركاته
انا ام لبنت عمرها 13 سنه الله يحفظها
بنتي ذكيه وفاهمه ودايم الاهل يقولون ماشالله تفكيرها اكبر من عمرها
حالها حال البنات يصير عندها جوال تتواصل مع صديقاتها واشوفها دايم تدخل يوتيوب تشوف افلام تعليميه ووثائقيه وهالشي خلانا نثق فيها اكثر
طبعا بين كل فتره وفتره انصحها ماتستخدم برامج التواصل الاجتماعي الا بالخير .. ودايم اعطيها قصص البنات الي تندموا وتحرشات الشباب وهي جدا مقتنعه وفاهمه ان هللشي غلط
مره من المرات انهبلت يوم خذت جوالها وهي نايمه وشفتها حاطه مقاطع باليوتيوب اعوذ بالله منها قلت يمكن بالغلط طلع لها لكن والمصيبه ان ظلت ايام تحط هالاشياء ،،،
انصدمت وماعرفت شسوي ورحت علمت ابوها وابوها كلمها بينه وبينها وفهمها ان هي طاحت من عينه وخيبت ظنه وقال الجوال ينشال منك ،، بكت ورضت وشلنا الجوال منها تقريبا شهرين
بعدين عطيناها .. وطلعتلنا بشغله العن صارت تضيف شباب وتكلمهم .وتقول لهم ان عمرها 18 وتكمل افلام معاهم .. والمصيبه ان واحد منهم اعرفه ،، خليت اخوي يروح يتفاهم معه ويادبه ،، وبنتي اخذتها انا بيني وبينها محاضره طويله عريضه لين بكت وتندمت وتعذرت وقالت والله ياماما اتسلى كذا موقصدي ومادري ايش ... قلتلها قدامي الحين احذفي كل البرامج قبل يوصل خبر لابوك واحذفتهم وظلت 4 شهور تمام دايم اراقب جوالها نظيف
االيوم اكتشفت انها من فتره ضايفه شباب وبرامج بي بي وسناب وصور وخرابيط وكلام قلة ادب تقول لهم😭😭😭 كانها وحده بالعشرين انصدددمت جدا جدا وواحد منهم يحاول يقابلها برا وهي تقول مقدر
ياربي علموني شسوي ان علمت ابوها بيذبحها
وادري الكلام معاها ماينفع وان شلت الجوال منها الكل بيعرف وبيتسائل ليش 😞 واولهم ابوه