خربي الشاحن وتطفش مع الوقت و تمل منه







والله يكون بعونك

13 سنه ومعطيتها جوال
الجوال ما تعطيه البنت الا اذا صارت بالجامعه وجوال يكون محدده فيه الأرقام بس عشان تعرف تتصل عليكم لا خلصت محاضرات
طفله ذي وأمانه برقبتكم ممسكينها جوال ترا لا تخافي ماراح تموت وتتعب نفسيتها بدون جوال

خلي الجوال معها مع التفتيش المستمر بوجودها

في هذا العمر المفروض محد يعطيهم جوال لأنهم في سن
مراهقه خذي الجوال منها حتى تنتبه لدراستها ويمديها ع الجوال اذا كبرت وصارت تميز الصح من الغلط

السلام عليكم حبيبتي .... نحط الجاز جنب النار واذا ولعت نقووول ليه صار كذا من اول البنت في بيت اهلها وتليفوووون ثابت بعد 🙆🏼ونقول يالله السلامه لاتردين مايرد الا الام والا الاخ الكبير والاب والبنت اللي ترد يوووووه هاذا البيت الله يستر عليه لاتجيني وحده مدرعمه وتقول انتم اللي مرضى او انتم اللي تفكيركم فيه بلاء تربيت على هالشي ومانقص مني شي ولامت الحمدلله بالعكس فهمت تفكير اهلي ليه سوو كذا لانهم خايفين علي من الذيابه اللي برا في هالزمن اسمحيلي اقولك براااا مو فيه ذايبه بس الا وحوش شرسه وشياطين ماتخاف الله في بناتنا بنتك ماتذلع ولاتروح بس بهالاجهزه صار الكل يدخل لبيتك غصبا عنك وانتي ماسمحتي له بدون حتا مايدق الجرس غلطتي بانك تعطين بنتك الجوال في هالعمر لسه صغيره وغير واعيه اصلا للمخاطر وتحط على هواها برامج انا بنتي بثاني ثانوي وماعطيتها جوال عطيتها ايباد وحددت البرامج اللي تحملها وشبكت خاصية تحميل البرامج عندي في جوالي عشان ماتنجرف وتحمل شي من غير علمي مو عدم ثقه بتربيتي لااااا والله الا عدم ثقه بكل اللي يتطفل على بنتي من وراي بسبب هالبرامج هاذولي امانه في اعناقنا ممكن تجيني وحده تقول انتي مقفله على بنتك انتي مريضه انتي موسوسه بقول بكل بساطه انا ام خايفه على بناتها من شي الله يجيرنا وبنات المسلمين ( كلكم راع وكلكم مسؤول عن رعيته) ابذل جهدي والباقي على رب العالمين خير حااافظ