بنتي الوحيده وعقلها

بنيتي الوحيدة بين إخوانها طبعا أخذه كل تفكيري في كل شي خصوصا الايام هذي بعد ماصرت بعض تصرفاتها الي ماريحتني مع العلم هي عمرها اربع سنوات ونصف يعني سن الروضه بس مادخلتها لانها صايره تخاف لدرجه كبيره وبعد أشوفها ماتنسجم مع الي في سنها بل تلعب مع اعيال خواتي الي عمرهم سنتين ونصف مدري يمكن لان اخوها الي اصغر منها عمره سنتين ولا وش السالفه يابنات ماتسمع الكلام الابلموت وحالتي حاله معها وغير كذا فيها حاجه غريبه بعد تسال عن الشي وهي تعرف الاجابه اوتكون توها سألتني عنه الحين يعني تعيد وتزيد والله مدري وش اسوي أنا عندي شك انه فيها شي والله أني في هم مايعلمه الا الله أرجوكم شورو علي الله يعافيكم