بنتي اليوم جات من المدرسه وهي متضاااايقه والسبب

السلام عليكم ورحمة الله وبركاته


بنات والله بكتب لكم وفيني غصه وربي الشاهد
اني من يوم رجعت بنتي من المدرسه الظهر
الين الحين وانا متضايقه من جمله قالتها لي


عندي بنت سنه ثالث ابتدائي حلوه وشطوره في المدرسه واهتم بنظافتها وترتيبها
ماشالله لاحول ولاقوة الا بالله
جات اليوم من المدرسه واحسها مهمومه المهم غسلت وغيرت مريولها
وغديتها وبالقوه اكلت تقول مالي نفس وذاكرنا بالغصب كمان
ماهي معي مره وسالتها ها كيف المدرسه اليوم قالت ماحب المدرسه
اكرها ابغا اخذ تعهد عشان يفصلوني ومااكمل اكرها اكرها
قلت ليه ياماما وش صار
قات طفشت قلت من ايش تونا جينا من الاجازه
قالت ماعندي صحبات ماحد يمشي معي ياماما
فالفسحه لحالي وبالفصل اليوم غايبه معلمتنا وكل وحده تتكلم
مع صحبتها وانا لا قلت ليه انتي قلتي شي زعلهم قالت لا ياماما
بس مايحبوني مدري ليه تقول رحت شريت جالكسي اثنين وعطيت صحبتي رغد
تاكل معي ولما اكلت قلت لها تعالي نمشي سوا قالت لا
تقول مادري ايش اسوي كان فيه بنات يحبوني من سادس
وراحو خلاص وحتى اللي كانو العام بخامس ورابع يحبوني الحين
ماعاد يحبوني مدري اشفيهم وقمت اعدد صحباتها فلانه ليه ماتمشين معها
وفلانه وفلانه قالت ياماما اللي تروح مع اختها تجلس معها واللي مع قريبتها
واللي مع جارتها ولا مع بعض صحبات مايبغون احد معاهم
وانا مدري مع مين اروح افطر لحالي :(
المهم كلام كثير دار بيني وبينها بس
اللي فهمته ان كل من له احد يقرب له او معرفه او صداقه
وهي مامعها احد والله تضايقت بقوه البنت مافيها شي واقول
يمكن ينفرون منه شكليا اقصد وللعلم هي من زمان قالت لي نفس الكلام
واروح اشتري لها بطاطس كيس واقلها كليه انتي وصحباتك
ومره اشتريت استكرات وقلت وزعيها عليهم بس نفس المعاناه
هالسنه كمان
بنتي عيبها صريحه على برائه يعني عقلها اصغر من سنها
احس البنات اللي معها فاهمين ويتكلمون على انهم كبار
بس هي زي الطفله واي شي تقوله ماتعمل له حساب وتنفهم غلط بالاغلب
علمتها هالنقطه وقالت والله ماعاد صرت اتكلم بشي يزعلهم
هي كيوت ودلوعة البيت وحسااااااسه بقوه تنجرح بسرعه
مدري وش اسوي عشان ماتصير كذا انا اقلها ماما اللي طنشك طنشيه وماعليك
من احد اهم شي ماما وبابا يحبونك احاول اخفف عليها
بس الكذب كذب بنتي ماراح تتحمل كثير كذا
والصاحبات مهمات مسكينه اجتماعيه وتحب البنات والمزح
واللعب بس مادري ليه يصير معها كذا انا اقلها اذا دخلتي قولي السلام عليكم
وسلمي على صحباتك تقول اسويها بس مرات اخجل
اقلها تعرفي انتي على بنات من غير فصلك لو اولى تقول ودي بس استحي
هي عندها فقر دم فحركتها شوي بطيئه
يعني الدرج والركض تتعب بسرعه مو زيهم حركه مره انا اقلكم بس قلت عشان اعلمكم
بكل شي عشان اللي عندها خبره تتضح لها كل الجوانب
مره رحت المدرسه ولقيتها تعلب معهم بس هم وصلو اعلى الدرج وهي بعد تحت
اقلها اركضي بسرعه تقول اتعب طبعا اعطيها دوا بس محلها ماتغيرت
بنات تكفون لاتقولين انتي تبالغين وبت صغيرها عادي
والله الوحده يوم تشوف بنتها ماهي محبوبه وتجيها متضايقه
انها تنقهر تعرفون وش تقلي تقول ماما ليه ماتجيبين لي اخت كبيره
تدرس معي ولا انتي فصلي مريول وتعالي معي مو اقلكم تفكيرها بريييء
بنات تكفون وش السواه كيف اخليها محبوبه واقوي شخصيتها
كيف انبهها ماتنتقد الشي اذا شافته وتجامل لانها مره ماتعرف تجامل
بس والله ببرائه ودلاخه فكرت اروح للمرشده بس وش تسوي يعني
بتخلي البنات يحبونها ابغا انا انصح بنتي هي ذكيه وتستجيب
بس ابغا نصايح منكم عشان اقولها لها انا بنفسي مابغا احرج
بنتي مع المرشده
اعذروني افكاري متلخبطه وكثرت بالكلام بس اللي في قلبي اكثر
لكن المشكله واضحه ان شالله
مشاعر ام تجيها بنتها تقول ماما انا وحيده في المدرسه مالي صديقات
وسلامتكم