السلام عليكم
اتمنى منكم مساعدتي في الحل لمشكلة ابنتي التي عجزت عن ايجاد حل لها
بنتي عمرها 9 شهور يعني كملتها
للحين ماترضى تقعد او تحبي
بس اذا كانت مع احد غيري تقعد ليها شوي
اذا كنت في الشقة ما اقدر اسوي اي شي منها حتى الحمام وانتو بكرامة مادخل الا قليل بسببها
من احطها صاحت
اخليها واحقرها لساعات وتضل تواصل تبكي حتى الزبد يطلع من بوزها
أأكلها واشبعها وارضعها واسبحها واحطها في جالوسيتها او مشايتها وتبدا صريخ لساعات بدون توقف
موفرة ليها كل الاشياء الي ممكن الاطفال يلتهو فيها هي ابد ماتطلع حتى فيهم
تبغاني 24 ساعة ماسكتنها
واذا مسكتها والعب وياها تلعب وتضحك وتسولف
احس نفسيتي خلاص تعبت بيتي صار قرف بسببها وصوتها الرفيع المزعج حتى الجيران يسمعوها قصرت في حق نفسي وبيتي بسببها دايما لمن اشوف اطفال في عمرها لوحدهم يلعبو ومبسوطين احس بالغبنة
ليش اني بس كدا مع ان مادلعتها بس كله لازقه فيي حتى وقت النوم ماتنام الا جنبي ولو بس تلاحظ ان تباعدت عنها تتقرب ولو تحس قمت عنها يبدا الشريط المزعج يشتغل
وصرت اخاف احطها لوحدها اكثر لان كذا مره تطيح ع راسها او يضرب راسها الطوف
ومزاجية بشكل يعني اضحكها والعب وياها وتنبسط وبعد ثواني تقلب وتصيح عجزت وياها
عطوني حل ارجوكم لان بديت افقد اعصابي وامسك يدي
ومشكورين
روح موسى @roh_mos
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
هي الطريقة بتخليها عينها عليكي وعلى الصندوق وطبعا هي حتبكي بدها تحمليها أو تجيب لعبة تانية خلي الصندوق يحل مكانك
وصدقيني هي أساليب حديثة حتى تخلي الطفل لا يركز بموضوع واحد ويتعلق فيه
كتر الالعاب بتشتت الطفل وبتحسسه بالضجر
أدعيلي اذا ظبطت معك الله يحميلك بنتك يا رب