بنتي انضربت شلون اخذ حقها

السلام عليكم بنتي عمرها سنتين ومهتمهة فيا كثير يعني لايمكن انها تضرب احد ولا تصارخ اذا سمعت احد يصارخ تخاف لانها مش متعودة وام زوجي تحبها مرررة عشان كذا البنت مش عدوانية البارح رايحين عزيمة صديقتي واحنا جالسين الا اسمع صوت بكا بنتي رحت واطالع فيها ماحد واقف يمها بس تصيح بروحها اخذتها وجلستها جنبي صارت تصيح تبي تلعب مع الاطفال مارضيت خفت تنضرب بس انحرجت من صديقاتي قالو ليش خاشتها عندك خايفة من عيالنا ولا مومصدقة ان عندك طفلة خليتها تلعب المهم الا اسمعها تصيح مرة ثانية بالغرفة الثانية لاطفال قمت بروح قالت لي صديقتي اطفال يتهاوشون ويسكتون عادي وانحرجت وظليت وانا على اعصابي خايفة عليها ماشوف الا بعد خمس دقايق
جاية صديقتي وجايبة بنتي وولدها وتقولي شووفي بنتك ولدي ضربها انا ابتسمت قلت لها مومشكلة هذولا اطفال يصيحون ويسكتون لا وبعد توريني مكان الجرح الاخ شامخها بوجهها شموخ وطالع الدم من وجها انا لما طالعت في بنتي والدم مالي وجهها بغيت اصارخ والله وطالعت فيها قلت من سوى كذا قالت هذا ولدي سوى لان بنتك فرعووونة والله اني ماكلمتها شلون بنتي فرعونة هي بالموت تلعب مع الاطفال واللي قهرني انها تبرر لولدها ان ضرب بنتي لان بنتي فرعونة حراااااام عليها المهم لما وصلنا البيت وشافها ابوها صار يصارخ علي ويقول من اهمااالي :44:
والبنت طول الوقت تصيح وتقول اما اح تقصد مكان الشموخ واهل زوجي عرفو والحين كلهم زعلانين مني ليش ماخذت حقها من الام
بس يابنات شلون اخذ حقي من طفل ؟
وانا ماعرفت اتصرف مع هالام ولا كلمتها ولا قلت لها حتى ليش ولدكيسوي كذا لاني استحيت لاني ضيفة اللي قهرني انها جالسة تبرر لولدها فعلته والله ان حتى عيب ماقالت له شسوي يابنات الحين زوجي مايكلمني وبنتي وجها شخبط لخابيط من الشموخ ؟