بنتي اول ابتدائي

السلام عليكم اخواتي والله اني هذي الاسبوع في هم ومعاناه لايعلم فيها الا الله سبحانه والناس ماعندهم الاشماته انا بناتي ثنتين الاكبيره صف رابع والثانيه اول ابتدائي كلهن مدرسة تحفيظ قران الي بصف رابع طالت عليها سور القران ونزل مستواها بالمواد الاخرى خاص الرياضيات وهي حاره وضيقه جدا وتعبت معها مع الحفظ بين الصياح اذا ماحفظت تنكد عليه بس تبكي نقلتها الى مدرسه عامه والحمدالله عدت هذي الاسبوع على خير لانها كانت تبي مدرستها وزميلاتها انتهينا من مشكلت الكبيره الصغيره درست السبت وباقي الاسبوع رفضت تروح المدرسه لما الصحيها الصباح تنتفض بشده وتصيح انا خايفه حاولنا فيها بكل الطرق رفضت بشده حاولت انقلها مع اختها رفضت هي معها في مدرستها بنات عمها بصف ثاني وتحبهن كثير وايضا بنات خلاتها بنفس صفها وفصلها بس 9 طالبات ومعلماتهن ماشاالله طيبات المدرسه الي فيها بنتي الكبيره اقل فصل 25 طالبه مستحيل بنتي تروح معهن
وماتعرف فيها احد اليوم بالقوه وديتها انا ولد اختي بالقوه لان ابوه حاول فيها وبعدين قال خليها تنطق وراح ونام ابو الشباب وانا الرتفع ضغطي من القهر وشلون تفصل وهي متفوقه واخذه الاولى حرام ماهو قهر المهم دقيت على ولد اختي وفزعلي الله يوفقه دخلت المدرسه وهي تصارخ باعلى صوتها تجمعن العلمات حاولن فيها لاكن ماتعطيهن فرصه من الصراخ جائتها المرشده والمساعده واخذنها بالقوه وطلعت انا وقفت بالحوش حتى هدى صياحها ورجعت البيت لان طفلي الصغير بالاشهر نايم عند ابوه لوصاح الطفل كان رحت فيها انا لاكن الله ستر لما وصلت البيت كلمت المرشده قالت والله سكتت وهي الان تسمع لمعلتها القران وماكانها صاحت لمارجعت وهي تضحك ومافيها شي وتقول الحمدالله اني درست بغيت الضربها من القهر درستي بعد ايش اه بس والله ماقلته لها اشجعها واوعدها بالهدايا الا منتصف اليل عيت تنام تصيح تقول ماني دارسه وش الحل معها والله اني في هم بعدين الله يعافيكن عندها كتمهه بصدره تعجز تنفس وديتها المستشفى قالت صدرها شوي تعبان والتهاب بالحلق وعندها تسكر بالانف واخذت بخار لاكن للان مازالت المشكله موجوده هل صحيح هذي المشاكل تسبب كتمه وضيق تنفس تكفن يابنات اعطوني حل كيف اعمل فيها بكره اذا عيت تروح للمدرسه وانا اسفه على الاطاله والله ماعندي الاالله ثم انتن بنات حواء اطلع مابي قلبي والي قهرني المجتمع حولي يشمتون فيني يقولون انتي السبب انتي الي جنيتي عليها ليه تنقلين اختها هي صحيح تبي اختها لاكن عندها بنات عمها بسنها وحاولت انقله ورفضت تقول ابي بنات عمي معايه والله الناس مايزيدون الاهم تكفن دعواتكن الله لايحرمكن الجنه ويرزقكن ويفرج همكن