مادري اختي ايش اقلك بس التربيه تبدأ من الصغر قبل المراهقه تعودينها على الشخصيه المستقيمه اما اذا كبر الانسان سواء بنت ولا ولد ماينفع معاه النصح لان خلاص شخصيته تكونت وهذي غلطه يطيحون فيها الاباء والامهات وارجع واقول التربيه قبل البلوغ اما بعدها فالتوجيه ممكن ينفع الله يصلحها ويصلح شباب وبنات المسلمين

يا اختي بتتعبين نفسك دام صديقاتها ايمو
لانها مستحيييييييييييل بتسمع منك وهي تشوف اغلب البنات ايمو
طيب دام انها سلوكها زين وانتي واثقه منها خليها تقص مثلهم وتسوي مثلهم يعني هو مجرد شكل هي ماراح تعبد الشيطان
ترا اعرف وحده زوجها مطوع ولحيته طويله وقاصه ايمو هي وبنتها وكحلهم اسود ولبسهم حلو بصراحه بس محترمااااات ومافيهم عيوب

الله يجزاكم خير
بصراحه انا احاول مااكبر الموضوع ولا افتح عيونها على ان الايمو شي اكبر من اللي هي فاهمته .. لكن اهلها واهلي يوتروني اذا صاروا يعلقون على تصرفاتهاا ويخلوني اوسوس اذا قالوا بنتك غير طبيعيه
بالنسبه لمدرستها حتى لو نقلتها لمدرسه ثانيه بنفس المدينه ماراح يتغير الوضع كل مدارسنا نفس النظام .. لو ابي انقلها لمدرسه احسن رح انقلها للمدرسه اللي انا درست فيها اول لكن هالشي صعب لانها رح تسكن بعيد عني ..غير اني حاسه مثل ماقالت الاخت انها رح تكرهني عشان حرمتها من كل شي تحبه وتحس اني ابي اتحكم فيها ..

بالنسبه للبنات اللي سألوا عن الايمو .. البنات فاهمين بالمدارس انها ستايل معين وبس ( اللي يكون فيها دايم الشعر اسود وبقصات معينه والعيون مكحله بكحل اسود كثيف ويميلون للحزن والكآبه ) لكن الايمو بالحقيقه هم مجموعه اول شي مايعترفون بالجنس( يعني مافيه شي اسمه بنت وولد ) واللي مخوفني بنتي الحين لما اقولها ياحلاة البنت وهي ناعمه ترد علي وتقول يااااه انا اكره الدلع والمياعه واحب اكون دفشه وعربجيه كذا ..وغير كذا هم يقنعون انفسهم انهم مضطهدين ومافيه احد يحبهم ولايفهمهم ( وانا خايفه تقنع نفسها بالهالشي ) ويميلون للدمويه ممكن يأذون انفسهم .. وكل هذا ايحاءات من عقولهم هم مو شرط يكون صاير لهم موقف معين

الله يهديها ويهدي بنات المسلمين .. ويوفقني لتربيتها وخواتها واخونها تربيه صالحه ترضي ربي
والله يجزي كل وحده ردت علي بالخير .. وخصوصا البنات اللي جربوا وضع بنتي وطمنوني انها رح تترك هالحركات

مرحلة وتعدي ان شاء الله
بس يبغى لهاشوية صبر

يارب يعينك و يهدي بنتك