اهلين محبه طبيعي يا اختي بس عليها دال أو عرضيها الشمس يوميا لمدة اسبوعين وبتشوفين الفرق بكري كذا ماعطاني الدكتور له دال ووصل الشهر التاسع ماجلس عطيته وعرضه لشمس والحمد لله جلس وع طول حبا ووقف كلهم ورى بعض

وزنها قليل اشوي بس باذن الله بتكبر مع التغذيه والوقت حتى انا ولدي نتوف
ودام تشد نفسها عادي جلسيها بجلاسه ومخدات بتتعود
وعادي ولدي كان مايبي يوقف كذا عادي
هم من نفسهم يتجرأون لا تخافي واذا رحتي موعد او تطعيم خبري الدكتوره تف***ا كامل وتطمنك كما

فيتامين دال المفروض تستخدمينه من الولاده
كلمي دكتوره تعلمك كم نقطه وكم شهر تستخدمينه




وبنتك طبيعيه تطمني كلها طبيعي كل اللي قلتيه من حركات تقول بنتك (كسووووله) عجازه مالها خلق يازينه بسم الله ماشاءالله
المهم اجبريها تجلس
انا عيالي اقعدهم بالجلاسه الكنبه ذي ويعصبوووون مايبون اللي تخلي جلستهم مستقيمه


وزنها سته كيلو😕
وجبتيها كيلوين
والحين عمرها ست سبع شهور
يعني نازله كيلوين او كيلو ونص
بنتك بهالعمر المفروض كل شهر تزيد كيلو بس


بناتي اجيبهم كيلوين ونص
وقالي دكتور اطفال ممتاز
لازم الزياده تكون كيلو كل شهر
واذا مازاد بشهر كيلو معناته حليبها غير مناسب ولازم تغيرينه


البنات فاهمين الحليب المناسب انه
( مايستفرغه الطفل - مايجيب له امساك او اسهال )
مو كذا الحليب المناسب هو اللي ياثر على جسمه وزيد وزنه زياده مناسبه كيلو بالشهر


هالدكتور مر عليه ولدي وبنت
ولدي اخذته عشان يستفرغ حليبه بشكل فضيع اقول له يادكتور يطلع كل حليبه دفعه وحده كنت بالنفاس شكل حليبه مو مناسب قل الدكتور ماله دخل الحليب بمعدة وفوهة معدته
واستفراغ المواليد بسبب المعده حساسه والحليب شي غريب عليه يبي له وقت لحد لحد ماتتعود معدته على الحليب وبعد فوهة المعده عند هالاطفال اللي يستفرغون ماتتسكر هالعضله عندهم كل شهر تبداء تقوى لحد ماتقوى وتتسكر على شهر سته سبعه راح يوقف استفراغه
وصدق وقف استفراغه على عمر ست شهور كان يقل تدريجياً كل شهر كمية الاستفراغ لحد ماوقف نهائياً
مع انه بكري بنتي ناسبها مو زي اخوها
بنتي الصغيره برضو صارت زي اخوها تستفرغ بس مو زي اخوها دفعه وحده تطلع الحليب لا تستمر تطلع الحليب بتدريج من بعد مارضعها لحد موعد الحليب الثاني تطلع كميات كميات مو كثيره زي اخره ووقف الاستفراغ عندها بالشهر السابع
الحين عمرها سنه
المهم اخذتها للدكتور بالنفاس لانه زكمة وقاس وزنها وسالني قال كم جبتيها قلتله كيلوين ونص قال حلو معناته زادت حاليا كيلو بعد شهر من ولادتها
وقالي احفظي وزنها هذا وتعالي الشهر الجاي بنفس التاريخ وقيسيها وشوفي زادت كيلو ولا لا
وسويتها والحمدلله صار الحليب مناسب


بنتك حليبها مو مناسب لها اذا مازادت شهرياً كيلو معناته حليبها غير مناسب لازم يغير
حليب عيالي بيوميل بلس ثقيل ودهني وطعمه حلو

مشكورين بنات على ردودكم بائعة المسك تعبت من الحليب غيرته ثلاث مرات والحين اعطيها عصاير وسيميلاك ومهروس التفاح والتمر وخضار مهروسه بس تعرفين الاطفال مايكلون كم ملعقه وتطلع بلسانها الله يعطينا الصبر ونشوفهم بصحة وعافيه