بنتي بتسلم عليك

السلام عليكم
الصراحة حابة احكي شوي
افترضي وتخيلي اني قريبة زوجك وزرتكم وبما انني بقربو دخل وسلم علي وقلتلو بنتي بتسلم عليك وبنتي كبيرة وعزباء !!!
كيف رح تكون ردة فعلك ؟؟؟

تبقى الي ٢ اخوان ماتزوجو
الاول عمرو ٢٤ والثاني ٢١
خطبنا للكبير بنت ابن خالي ولكن

قبل ٤ اشهر ماقدرنا نعمل العرس بموعده بسبب حالة وفاة قريبة النا واي عرس هذا وقريبتنا متوفاة ؟

لذلك تقرر التأجيل لكن زوجي قالنا انو ابوها للبنت بدو يتطمن عليها قبل مايرجع يسافر الى الامارات ورح يسافر بنفس الطائرة معانا بعدة عدة ايام لذلك رح يصير العرس بس ببساطة بدون اي بذخ او حفلات

اعترضت امي لانو هذا ابنها لي قبل الاخير والو معزة خاصة بقلبها لكن تم الامر بعدين

عملنا حفلة بسيطة بدون اغاني او اي شي وراحت البنت مع عريسها واستقرو

في الامس حصل مشهد درامي تمنيت لو اوثقه

مكالمة واتس كاميرا مع امي وهو روتين يومي
دائما لازم يكون هناك ضيوف مقربين
خالاتي او بناتهم او زوجات اخوالي او بناتهم والى اخره وانا بكون الضيفة البعيدة لي بسمع كل احاديثهم وبتبادل معاهم الكلام

الامس كانت الضيفة هي خالتي ٤٧ سنة وهي اخر عناقيد العائلة الكبرى من زوجة جدي الثالثة
وعندها اربع بنات وحدة منهم كانت مرشحة انو تكون زوجة اخي لكن النصيب ماتم

( صراحة مابحب زيارة هي الخالة لانو لسانها بيدس السم بالعسل )
كانت عم تهز بدني ب اسلوبها المستفز وكلامها المسموم وكنت عم افكر انهي المكالمة

تشاء الصدف ان يدخل اخي وزوجته العروس بعد ماكانو في الخارج

خالتك موجودة يعني لازم تدخل تسلم عليها وتبوس ايدها هي بمقام امك
سلمت عليه ومن ضمن كلامها بنتي فلانة بتسلم عليك
استفزني الكلام
غادر اخي وبقيت زوجته

اجاها الرد من الزوجة وسمعته بدقة
(خلي بنتك تلتهي بحالها احسن مالبسها كفنها)
تهديد صريح بالقتل

والله ماكذبت بحرف او زودت من عندي او تفكروني عم اخرط عليكم 😁😁

تعالت الاصوات بعد هي الكلمة وساد التوتر حتى قفلت امي بوجهي لتحل المشكلة لي كبرت لاحقا وتطورت الى مضاربة

حاولت تضرب اختي يخربيتها مثل الاسد هجمت عليها
هذا ماقالته امي بعد ساعات من الحادثة

وضعو الحق ب اكمله على الزوجة الغيورة لي استفزها كلمة بتسلم عليك وبعد استفزاز ثاني من الخالة حاولت التعدي عليها

وليش تسلم عليه وهو متزوج ؟؟ ليش ماسلمت على اخوه الاصغر العازب
قد يكون ردة فعل البنت عنيف لكن اشوف انو معها الحق مية بالمية

ممكن تقولو شو دخلك او ليش عم تفضحي القصة انا صحيح مالي دخل بس حابة احكي

حطيت حالي بمكانها وشفت انه القصة مستفزة جدا!!!
الصراحة كيف بتشوفوها ؟