بنتي بصف ثالث ومتضايقه ,, عطوني افكار وحلول ..

كيفكم حوائيات

يوم الاربعاء جت بنتي من المدرسة وقالت لي ان معلمتها خلصت التقييم
وان اللي حابه تغيب تغيب خلاص من يوم السبت مافي دراسه ..
وكانت فرحانه انها مخلصة التقييم وسألت معلمتها يا استاذه انا خلصت قالت اي خلصتي ..

وانا من النوع اذا خلصو احب اغيبها مااحب تروح المدرسة فضاوة كذا لان البنات من كثر الفضاوة تزيد شقاوتهم ولعب ويبهذلون انفسهم هذا اذا ماجاوو وفيهم كدمات فلانه ضربتني وعلانه جرحتني

المهم من امس واليوم وانا ادق ع المعلمة ابي اتاكد اذا اوك خلاص او لا مع اني متأكده وواثقه من كلام بنتي بس حابه اتاكد .. بس محد يرررررد

اليوم جتني بنتي الي بخامس طبعا للحين تداوم وضغط تقييمات عندها
المهم جت وقالت ان فصل بنتي الي بثالث مسويين حفله ولابسين فساتين ويرقصون ع الاناشيد وكيك وعصيرات وحركات .. طبعا صديقاتها موجودات .. البنت ضاق صدرها وكتمت ليه ياماما اروح المدرسة بس للدراسه ليه مااروح لحفله ليه بس كل ندرس ندرس ودمعت عينها بس مابكت يعني اكتمتها بقلبها
قلت لها يابنتي هم ماقالو ان فيه حفله ؟ لو قالو كان خليتك تروحين
قالت محد قالي وليش انا غير عنهم وليه ماعلموني انو في حفله وووو كلام كثير عورت قلبي
توها فكت شوي الحين قامت تلعب بس والله احس شوي وتسرح وكذا

المهم ابي اعوضها كيييف ؟ ووش اقولها والله احترت انربط لساني لاني تضايقت لضيقتها ودي انها فرحت مع صديقاتها واحتفلت معاهم بختم المناهج ونهاية السنة


معلش طولت عليكم بس البنت كاسرة خااطري
وحتى يوم قلت بعمل لك حفلة نجاح قالت ابي صديقاتي معي
بالله من وين بجمع صديقاتها ؟ :confused:

انتظر ردودكم وارشاداتكم