السلام عليكم اخواتي
ادعولي تكفون نفسيتي متازمه بنتي عمرها 4 شهور واسبوع سالفتها طويله شهرها الاول كانت زي الالف وترضع طبيعي وصناعي وكانت مثل الوردت جا الاستفراغ بشهرها الثاني وخرب عليها وقفنا الصناعي وخلينا الوضع طبيعي احتجت ارضعها صناعي بالقوه فهمت على شهرها الثالث وبس فهمت بطلت ترضع من صدري والحين حتى الرضاعه ماتبغاها وديتها مستشفيات قالوا سليمه حنكتها تعدلت يوم. وانتكست مدري وش علة بنتي كل يوم ابكي عليها تخيلي منظر طفلك فاتح فمه مثل الطير جوعان يبكي وكل ماتعطينه شي مايقدر اعطيها صدري تهوع منه كانها بتستفرغ اعطيها الرضاعه تمص ثانيه وفجاه يصير لسانها يروح يمين ويسار وتدف الرضاعه صرنا لازم ننومها بالهز وهي تبكي لين تستسلم وتنام وترضع لو رقمين او 6 بالكثير
وبس تصحى تصير معصبه دايم وتبكي كثير وتصد عني لاشلتها وبس تحط عيونها بعيني تبكي احس مصدومه شلون ماارضعها وهي صاحيه وانا احاول بس مو قادره تساعدني 😭😭 وزنها يزيد بس مو بتعب عليها اخذت عادات سيئه مع معاناتها للرضاعه تدخل بطانيتها بفمها تحط اصابعها الاربع كمان تقلب على جنبها وتلحس الارض وبس احط لها الرضاعه تبكي
ادعولي ان ربي يشفي بنتي ويصلحها وييسر لها الرضاعه لان منظرها مؤلم وحياتي موقفه عشانها لاطلعات ولاخرجات بس اداري عليها مداره
hasna1 @hasna1
عضوة نشيطة
يلزم عليك تسجيل الدخول أولًا لكتابة تعليق.
نننننقاااء الروح
•
😢😢😢حسيت بمعاناتك لان صار لولدي نفس الشي اول ماجبته كان الحمدلله بخير ويرضع صناعي فقط .. بعد ماخلص ثلاث شهور رفض الرضاعه خلاص مايرضى يرضع الا اذا كان نايم اعطيه ويرضع شوي واذا حس فيها شرغ وقام يطرش .. كان مايعرف ينام من الجوع يجلس يبكي من الجوع ويرفض الرضاعه والغريب اني اذا عطيته اصبعي يمصها من قلب يقطع القلب 😢 كنت احاول ارضعه وأكله اكل بس كان يرجع دايما .. سويت له جميع انواع الاشعه .. حتى خدروه عشان يدخل في الاشعه المقطعيه .. سنه وعشر شهور وانا في معاناه في الاخير قالي الدكتور مصري .. هو خلاص كبر وصاير عريس مش عاوز يرضع .. قهرني بكلامه 😟 المهم في نفس الوقت كنت اوديه للحريم الي في منطقتي بس ماحد عرف له .. ولما صار عمره سنه وتسعه شهور وديته لحرمه في خميس مشيط اسمها ام متعب ولما دخلتها اصبعها في حلقه قامت تصيح قالت الله اكبر عليكم الولد كيف عايش حلقه مسدود كله فيه عظيم ورفعت له رحت لها يومين ورى بعض .. لازم يومين ماينفع يوم واحد وياااربي لك الحمد ولدي ماشاءالله شاف العافيه .. تقول العظيم يجي من العين .
انتي لا تسكتي عن بنتك سوي الي تقدري عليه .. بالنسبه اذا تبغيها تشبع حليب وتنام ..سوي طريقيتي علمتني وحده عليها الله يجزاها خير وجلست على هذي الطريقه شهور كنت اعطيه الحليب برضاعة الملعقه الي تنضغط حقت الاكل جاي معها مصاصه فيها فتحه تصب الحليب صب اتوقعها مصاصة المويه او العصير .. المهم كنت احط الحليب فيها واجلس واتربع واحط تحت رجلي اليسار مخده عشان ترتفع رجلي واسدح ولدي ويكون راسه مرفوع شوي عشان المخده الي تحت رجلي وابدأ اصب في فمه شوي شوي حليب لين يبلع ارضعه تقريبا عشرين ملي واجلسه يتجشأ وبعدين اكمل الباقي كذا على 20 ملي واوقف طبعا يكون قدامي فارشه سفره بلاستيك لان كم من مره يرجع الي رضعته اشيل السفره وعلى الزباله الله يكرمك .. لفة السفر في شنطتي مااروح مكان الا وهي معي .. وطبعا كل هذا الي اسويه قدام التلفزيون على قناة طيور الجنه بدون ايقاع او مواهب وافكار اهم شي اطفال ينشدوا واذا كنت برى الببت افتح له الجوال على اناشيد في جوالي ... يعني حاااله مايعلم بها الاربي .. كانت امي اذا شافتني تقول ولدك ذا ماراح يقدر يجزيك بشي على التعب الي تعبتي عليه .. صح كنت اتعب واعاني بس على الاقل اكون مرتاحه ان ولدي ينام وهو شبعان موو مثل قبل كان يجلس بالساعات مايعرف ينام من الجوع
ما اعرف انزل صور ولا كانت وريتك الرضاعه الي كلمتك عنها .. اذا تبغي بعطيك حسابي في الانستقرام وتراسليني خاص ارسلك الصور
hasna1
•
😢😢😢حسيت بمعاناتك لان صار لولدي نفس الشي اول ماجبته كان الحمدلله بخير ويرضع صناعي فقط .. بعد ماخلص ثلاث شهور رفض الرضاعه خلاص مايرضى يرضع الا اذا كان نايم اعطيه ويرضع شوي واذا حس فيها شرغ وقام يطرش .. كان مايعرف ينام من الجوع يجلس يبكي من الجوع ويرفض الرضاعه والغريب اني اذا عطيته اصبعي يمصها من قلب يقطع القلب 😢 كنت احاول ارضعه وأكله اكل بس كان يرجع دايما .. سويت له جميع انواع الاشعه .. حتى خدروه عشان يدخل في الاشعه المقطعيه .. سنه وعشر شهور وانا في معاناه في الاخير قالي الدكتور مصري .. هو خلاص كبر وصاير عريس مش عاوز يرضع .. قهرني بكلامه 😟 المهم في نفس الوقت كنت اوديه للحريم الي في منطقتي بس ماحد عرف له .. ولما صار عمره سنه وتسعه شهور وديته لحرمه في خميس مشيط اسمها ام متعب ولما دخلتها اصبعها في حلقه قامت تصيح قالت الله اكبر عليكم الولد كيف عايش حلقه مسدود كله فيه عظيم ورفعت له رحت لها يومين ورى بعض .. لازم يومين ماينفع يوم واحد وياااربي لك الحمد ولدي ماشاءالله شاف العافيه .. تقول العظيم يجي من العين .😢😢😢حسيت بمعاناتك لان صار لولدي نفس الشي اول ماجبته كان الحمدلله بخير ويرضع صناعي فقط .. بعد...
ياقلبي سالفتك تحزن الحمدلله الي طلع ولدك سالم منها انا وديتها لمداويه بس احس وسوست لقيت فجوه بسطح الحنك بعد اللثه بمسافه مدري طبيعي ولا شوهتها لي 😩
hasna1
•
انتي لا تسكتي عن بنتك سوي الي تقدري عليه .. بالنسبه اذا تبغيها تشبع حليب وتنام ..سوي طريقيتي علمتني وحده عليها الله يجزاها خير وجلست على هذي الطريقه شهور كنت اعطيه الحليب برضاعة الملعقه الي تنضغط حقت الاكل جاي معها مصاصه فيها فتحه تصب الحليب صب اتوقعها مصاصة المويه او العصير .. المهم كنت احط الحليب فيها واجلس واتربع واحط تحت رجلي اليسار مخده عشان ترتفع رجلي واسدح ولدي ويكون راسه مرفوع شوي عشان المخده الي تحت رجلي وابدأ اصب في فمه شوي شوي حليب لين يبلع ارضعه تقريبا عشرين ملي واجلسه يتجشأ وبعدين اكمل الباقي كذا على 20 ملي واوقف طبعا يكون قدامي فارشه سفره بلاستيك لان كم من مره يرجع الي رضعته اشيل السفره وعلى الزباله الله يكرمك .. لفة السفر في شنطتي مااروح مكان الا وهي معي .. وطبعا كل هذا الي اسويه قدام التلفزيون على قناة طيور الجنه بدون ايقاع او مواهب وافكار اهم شي اطفال ينشدوا واذا كنت برى الببت افتح له الجوال على اناشيد في جوالي ... يعني حاااله مايعلم بها الاربي .. كانت امي اذا شافتني تقول ولدك ذا ماراح يقدر يجزيك بشي على التعب الي تعبتي عليه .. صح كنت اتعب واعاني بس على الاقل اكون مرتاحه ان ولدي ينام وهو شبعان موو مثل قبل كان يجلس بالساعات مايعرف ينام من الجوعانتي لا تسكتي عن بنتك سوي الي تقدري عليه .. بالنسبه اذا تبغيها تشبع حليب وتنام ..سوي طريقيتي...
ياربي لايحرمك اجر تعبك عليه ويبلغك فيه بكل خير بإذن الله
الصفحة الأخيرة