بنتي بعد ما شرف اخوها تقطع القلب ..

لكل من عرفت اسلوب لتقليل الغيرة
السلام عليكم ورحمة الله وبركاته

بنتي الله يصلحها عمرها 4 سنوات و3 شهور واخوها 3 شهور
مشكلتي معها مشكلللللللللللللللللللللله

باختصار :
ما تاكل عناد ودها بالشي بس فيها كيد
شهيتها 0% تقولين تتوحم ( وهذا حالها الله يهديها من يوم الرضعات وهي متعبتنا )

والمهم :
صايرة تصيح تبكي كثير وهذا جديد علينا بس من هاليومين

والاهم : بعد ما تنام بحوالي ساعتين تقوم مفزوعة وتبكي بشدة وتتحرك كانها بتنحاش من شي ولما اضمها تفز بقوة وتبعدني وتبتعد هي وتبكي بقوة .. بشكل شبه يومي
قريت عليها واخليها هي تقرا
قلت يمكن شي يوجعها او .. او ..
بس بعد ما تكرر معها كثير في هالشهر لاحظت ووسوست قلت يمكن اللي يجيها جاثوم يعني حلم مزعج يخووووووف يفزع وبعد كذا ترجع تنام وكأنه ما صار شي وانا اكلما وش فيك واسالها بس ما تسمعني ما ترد علي
مرات اقول يمكنها متحوشة او فيها وحشة على قولت امهاتنا
ومرات ... والله محتاره معها بعض الاحيان اجلس ابكي معها مابيدي حيلة

هي بنت حنونه بس فيه شيئين مررررررررة مقهوره منهم
ما تشتهي الاكل زي البزران
فيها كييييييييييييييييييييييييييييييييييييييييييييييييييد عظيم ..المعنى انها ما تعبر عن مشاعرها ما تقول ابي هذا اكله بعض الاحيان الحظها تدور حوله واول ما اقولها تعالي اجلس كولي تقول لا ما بي وتهون

طبعا جيت اخوها لها تاثير مع اني والله اسايسها اعطيها اياه تجلسه بحظنها
اكلما كثير انه يحبك اخوك ولما رحتي مع بابا جلس يتلفت يدورك ومن هالحكي هي تحب تدبر فيه تبي تشيله تبي تفصخه وتلبسه بس بعض الحيان تطلع منها كلمات من قلب زي ودي اذبحه .. انتي وولدك .. بابا يحب اخو ي قوة قوة ..

والله محتاره معها
وهي اتوقع مازادت حالتها الا لما بدا اخوها يضحك ويشيلونه اخواني يلعبون عليه
اجل وش بيصير عليها لاكبرت شوي وتعلقو فيه اكثر
الله المستعان
حبيباتي امهات عالم حواء اكيد لكم تجارب مماثله لحالات بنتي ياليت لو تفيدوني
ولكل من تجيبني جزاك الله خيرا .. وبارك الله لك في وقتك وجهد واولادك