كوبونات الراقية تسجيل الدخول

النصف الآخر
النصف الآخر •
والله اهم شئ نفسية البنت والباقي كيفه ..
حرام عليك تقولين لها اكرهك ..اعطيها الثقه بنفسها ..
اختي لاحظت ان اسلوبك معها كله عقوبات ..ارحميها لا تدمرين شخصيتها ..
وشجعيها قولي لها لو ماضيعتي اشيائك لمدة اسبوع نروح الملاهي او اشتري لك اللعبه اللي تفضلينها .. او الحلاوه اللي تحبينها ..
حبيبتي ولاتضربينها وتصرخين عليها على اللي يسوى واللي مايسوى ..وطبيعي انها تكون هاديه وصديقاتها يتغلبون عليها لانها فاقده الثقه بنفسها .. والحمد الله انها متفوقه هذا دليل ذكائها..
ناردين2
ناردين2 •
النصف الآخر النصف الآخر :
والله اهم شئ نفسية البنت والباقي كيفه .. حرام عليك تقولين لها اكرهك ..اعطيها الثقه بنفسها .. اختي لاحظت ان اسلوبك معها كله عقوبات ..ارحميها لا تدمرين شخصيتها .. وشجعيها قولي لها لو ماضيعتي اشيائك لمدة اسبوع نروح الملاهي او اشتري لك اللعبه اللي تفضلينها .. او الحلاوه اللي تحبينها .. حبيبتي ولاتضربينها وتصرخين عليها على اللي يسوى واللي مايسوى ..وطبيعي انها تكون هاديه وصديقاتها يتغلبون عليها لانها فاقده الثقه بنفسها .. والحمد الله انها متفوقه هذا دليل ذكائها..
والله اهم شئ نفسية البنت والباقي كيفه .. حرام عليك تقولين لها اكرهك ..اعطيها الثقه بنفسها...
بسم الله الرحمن الرحيم
اولا الله يعينك ياقلبي والله ان التربيه صعبه وماتنلامين ولا ليش الجنه تحت اقدام الأمهات
ثانيا ترى الي في بنتك موجود بكثره من زمااااان وهي زي معادله او افعال منكم ولها رد فعل منها
بس ترى كذا بدايه المشكله بينكم تكون تضييع اغراض ونسيان بعدين تتطور كل مرحله لشي ثاني حتى التفوق يروح والذكاء يندفن تحت المشاكل هاذي
انتبهي اساليبك في العلاج كلها خااااااااطئه جدا جدا
المشكله الي في بنتك هي انو الصغار اذا كان يسوي غلط ويقهر الاهل هاذا الغلط ويركزون عليه مره طبعا ماينلامون يبون مصلحته يستخدمون كل الاساليب الي قلتيها عشان يغيرون الطفل و ماتفيد ليش لأنه تركب راسه حاله من العناد الشديد جدا ماهو العناد حق الكبار لأ هذا عناد في عقل الطفل يعني كل ما يزيد وقت المشكله وتكبر بحياته وتصير محور حياته وتركزون عليها يقوم هو يعاند زياده ومايقدر يسوي المطلوب او الصح حتى لو كان شي تافه اوبسيط بنظر الأهل وكل مايزيد اهتمام الأهل بالمشكله هو يصعب عليه الحل ويصير خلاص خواااااف بمعنى الكلمه ومقيده الخوف طبعا هذا الخوف يستمر الين ما يكبر ويتزوج يعني ما يروح ويصير مكبل بالخوف من العقاب لدرجه ما يعرف يسوي الصح وبالتدريج يسيطر الخوف على كل نواحي حياته ويسبب له فشل وخوف وضعف شخصيه شديد وخوف من المجتمع وحساسيييييييه شديده ويبدا يكذب خوفا من العقاب واذا ما كذب يصير يخبي كل شي ومستحيل يصارح اهله بأي شي يمر بحياته وهنا تبدا تنبني الحواجز خصوصا بين الأم وبنتها ماتسمعين كثير بنات تقول امي مو صديقتي كله بسبب الخوف والخوف يجي من العقاب
انتي اول لازم تعرفين سبب المشكله الي هو انتي بالدرجه الأولى او تعاملك مع المشكله وصدقيني هذا الشي ما جا بيو م وليله لأ اخذ كذا سنه عشان يتكون عندها
لذلك الحل ما راح يصير بيوم وليله بيحتاج منك فتره مثل طول فترة المشكله لذلك اولا استعيني بالله على حل مشكلتك وثانيا عودي نفسك على الصبر ويبيلك طوووووول بال في حل هالقضيه ومهم جدا جدا انك تحلينها مو تطنشين الموضوع وتقولين بكيفها خلاص تعبت لأ لانو كذا ما عالجتي بنتك
وعلاجها يكون اولا انك تنسين تماما كل اساليب العقاب بكل اشكالها كلها من ضرب وحرمان او حبس او مقاطعه او صراخ كله انسيه تماما تماما
بهدوء عالجي المشكله اولا انك تخلينها تستحق اي شي تشرينه لها لازم بهذا السن تعلميها انو للأشياء قيمه مو ما لها قيمه كيف تستحق بأنك ماتشترين شي من الأشياء غير الضروريه او نسميها كماليات الا اذا استحقته مثال جابت درجه حلو اشتغلت انجزت عمل مهم تعطينها عليه مكافأه تختارها هي وباعدي بين المكافأت
حاولي تخلينها كمان تتعلم تجمع مصروف اذا بغت تشتري شي غالي يعني نفس الشي خيريها اذا استحقت جائزه قولي اعطيك فلوس بس يكون عندها هدف وش بتشتري وكم سعره وكم تجمع له او اشتري لك شي تبينه بس يكون ارخص قيمته بس نفس الشي تكون حاطه في بالها شي معين وتبيه مره
يعني العاب كماليات هي تشتريها انتي بس اشتري الاشياء الأساسيه جدا جدا بحياتها
ثانيا دايم سولفي معاها وتكلمي معاها وخلال السواليف جيبي طاري انكم تتعبون انتي وابوها او اذا كان بس ابوها يشتغل فهميها انو يتعب عشان يجيب الفلوس وانو احنا لازم نحافظ على فلوس بابا وتكلمي بصيغةالجمع انكم عايله تحبون بعض وتخافون على بعض وقولي لازم نرحم بابا ولازم نشكره اذا عطانا وجاب لنا يعني بالعربي شغلي قلبها وشغلي عنصر الرحمه عندها والخوف على اهلها واخوانها ومصلحتهم مو الخوف منهم
ثالثا لازم بنتك تتشارك معاكم بكل شي في البيت واذا عندها اخوان تشارك فيهم وفي ابوها لو تجيب له الشماغ لازم تشجعينها على هاالأشياء تراهي مهمه حتى لو في شغاله لازم يكون لها انجاز كل يوم طبعا مو بالأوامر لأ بالمشاركه والتشجيع والمدح قولي تعالي نسوي كيك اخوكي يبيك يبيك تبوسينه يحبك قولي ماحد يعرف يرتب الصاله مثل فلانه مع الأيام تصدق نفسها وتبدا تصدق انها مهمه وتبدا تتولد عندها المسؤليه ومن هنا يبدا اهتمامها بأغراضها
رابعا لا تركزين على موضوع الأغراض والتضييع لأنك اذا حليتي مشكلتها في البيت صدقيني بتنحل بإذن الله باقي مشاكلها وحاولي بدون ماتعلمينها في هاذي الفتره الي هي فتره العلاج ماتشترين لها الا رخيص مرره مو عشان هي تنقهر لا عشان بتضيييع بس عشان ماتنقهرين انتي على فلوس الأشياء
خامسا اذا جتكي مضيعه شي من اغراضها الي زي ما قلت لك تكون رخيصه اسكتي وبس وقولي لها انتي ياماما ياحبيتي مسئوله عن اغراضك انا اغراضي ما ضاعت الحمدلله وقولي لها خلاص جمعي فلوس كل ما سويتي شي كويس واشتر ي مثل الي ضاع
اما اذا كان مهم مثل الكتاب حق المدرسه قولي حبيبتي روحي بكره للمدرسه واطلبيها كتاب وخليها تكرر المحاوله كل يوم الين يعطونها واذا رفضت المدرسه قولي لها اسئلي انتي المدرسه وقولي لها ضيعت كتابي وش اسوي؟بس مو انتي تسوين عنها لأخليها تتعب وتحاول والله كذا تتعلم بس اهم شي بدون ما تكثرين معاها كلام وتقولين احسن وقلعتك ومالي دخل كذا تعاند لأ انتي حمليها مسئوليه الغلط بدون اي كلمه زياده بإنها هي تحل الموضوع بدون تتدخل منك ولا تقولين صغيره ماتفهم اول مره على ثاني مره تتعلم بس طولي باااااالك انتي بس ذكريها كل يوم بكلمتين قولي لاتنسين تقولين للمدرسه على الكتاب
وانتبهي من اسلوب العداء يعني تعادينها او تعزلينها عنكم لو حتى نفسيا لأنها غلطت لألأ تحاوري معاها بالغلط وفهميها واضربي لها الأمثله وأحضنيها ودايم زي ماقلت لك خوفيها عليك مو منك ماعدا موضوع التضيييع لأنه متأزم معاها تجاهليه تماما لا تفتحين فيه محاورات لأن مخها من ناحيته مقفل تراهي ما تسمع وش تقولين حتى لو موتيها
اذا استخدمتي هالأسلوب صدقيني بتتغير مع الوقت بس اهم نقاط انك ماتستعجلين عليها
وتتابعين الموضوع معاها الي هو الحلول
وما تجين بعد فتره قصيره تقولين والله هاذي ما يفيد معاها او ما منها امل لألألألألألأ
انتي ازرعي فيها الي تبين وهي بتصدقه حتى لو الشي الي تقولينه ماهو فيها مع الوقت تصدق انها كذا وتبدا تطبقه
واهم نقطه شيلي من مخك انك تعالجين موضوع تضيييع الأغراض وحطي بداله انك تربين بنت فعاله وقويه ومسئوله ووعليك بالدعاء ثم الدعاء ثم الدعاء وكل من غلط من عيالك قولي له الله يهديك ويوفقك ويصلحك افضل من اي كلام
بس عليك بالصبببببببر وبإذن الله تحصدين النتايج ترى خلل بنتك مومنها لأ ولا من شي فيها كشخص الخلل من التربيه ولا هي عجينه مولوده عالفطره انتي وابوها كونتوها فأنتي إختاري اما الأستمرار على طرقك الخاطئه والي ما جابت نتيجه او التغييير الي حلو انو يكون بدري قبل لايفوت الآوان
آسفه جدا على الأطاله بس حسيت اني حاسه وفاهمه بنتك والي فيها لأني سويت مثلها
وما ودي تتعذبين انتي وهي اذا استمريتوا على هالطريقه بكره كل ما تكبر تزيد الأشياء الين ما تقدرين تحصرينها
الله يوفقك ويوفقها ويسعدكم ويرزقك برها وحبها وحنانها......قولي آمين
ريمووو26
ريمووو26 •
السلام عليكم
الله يعطيك طولت البال
اانا ما عندي اكثر من اللي اخت ناردين 2 قالته
بس الاهم
اللي لازم تعرفيهانه اخطر شي حبس الطفل في الحمام
لانه مكان تجمع الشياطين وممكن تكون عرضه للمس في وقت الخوف والعياذ بالله
اقرائي عليها وحصنيها والله يعوضك
klio
klio •
لا تزعلين من كلامي بس انتي بتجيبين لبنتك عقد نفسيه
انتي من جدك تقفلين عليها الحمام تبين يتلبسها جني..!!
وش راح تستفيدي بعدها..
هذا مكان تحبسين البنت فيه
وبعدين يمكن البنت عندها مشكله مع سالفة النسيان اخذيها للطبيب...
ولا تخوفين البنت بعدين تصيبها امراض نفسيهااا
اللي راح فدووه لها وهي صغيره وتوو بتبا تفهم
ياليت تراجعين مشرفه اجتماعيه او وحده مختصه بتربية الاطفال تفيدك
**أم رناده**
**أم رناده** •
عادي أنا بنتي كبر بنتك ومثلها تنسى الجاكيت وتضيعة وتنسى دروسها
يعني تجي للبيت تاركة بعض دروسها
بس ماسويت الي سويتيه
حرام عليك توها طفلة تراك بتندمين بعدين!!!!!!!!!!!!