أحس نفسي أنا تعقدت من أسلوبك
آسفة أختي بس انتي تاخذين راينا
أنا الكلمة اللي رنت في بالي " لا تكلمني أنا أكرهك "
تخيلي بنتك تسمع هالكلمة وأكيد قلتيها كم مرة لها وانتي زعلانة منها
هالشي يفقد الطفل ثقته بنفسه واللي حواليه
كل التربويين يقولون لك عاقبي الفعل مش الشخص
دايما قولي لطفلك أنا أحبك بس أكره تصرفك
مش أنا أكرهك
تخيلي نفسك كل ما سويتي شي ما عجب حد تسمعين كلمة أكرهك او أي كلمة أو تصرف تأكد هالشي ؟؟
كيف بتعيشين ؟؟؟؟

صراحة ما عندي اسلوب معين أقولك عنه تعاملين به بنتك
ممكن تدورين في مواقع تسألين أخصائيين
لكن اهم شي تحسسين بنتك بحبك وثقتك فيها
وانها مهما سوت تحبينها بس ما تحبين تصرفها وبتعاقبينها عليه
بعقابك أظن انسبه حرمانها مش اشياء تحبها
مش اشياء ضرورية وتحسسها بعدم حبك لها واهتمامك
كيف تخلينها تروح المدرسة في البرد بدون جاكيت؟؟ كيف تهينين كرامتها وتحبسينها في الحمام؟

الله يهديك ويسخر لك بنتك

ذكـرتيني في نفسي ...كذا كنت أيام الطفولـه....
تقريبا أغلب الأطفاال..زي بنتك
شئ طبيعي أنتي لاتشترين لها شئ غالي وقت الدراسـه
وحـاولي تعلمينها بـ اسلوب ...زين أصغري لها...
( كلوو كوم ولا يكون الطفل أناني)....أنتي ممكن تفهمينها..( لا ياحبيبتي هذي اغراضك.. لا تضيع ..اذا ضاعت بعدين مايصير عندك ملابس...شطوره بنتي..) ومن الكلام هذااا
بس لا تقولين لها..(ليش ياغبيه..ماتفهمين) ترى الكلام ...يهز ثقتها بنفسها وبعدين ليش تضربينها؟؟؟
حرام عليك..وربي الطفل تظل بذاكرته المواقف كلها...(أنتي ماتتذكرين مواقف صارت لك وانتي صغيرره؟؟)
فيه شغله مهمه..ترى بعد الله..انتي تحددين شخصيتها..كيف تبينها تصير امرأه تواجهه المجتمع بكره لو تصير لها مشكله ماراح تتجه لك
( شكلي شطحت بقووه عن المووضوع)
نصيحتي لازم تقوينها...قولي لها انتي قويه حلوه ماتنسين اغراضك مااحد يقدر يسرق اغراضك ...شجعييييهاا
والله الوحده وهي كبيره لو الواحد يقول لها كلمه حلوه تجلس يووم مبسوطه..(شلون بطفله)....ويا ما لك من الكـلام اللي راح تسمعينه...منهاااا...تذكري هذي بنتك...بنتك...راعيها...ترى بذمتك...
نصيحه... دوري كتب (سوبر ناني ) ...يمدحونها انا للحين ماشريتها بس قريبا راح اشترريهااا
موفقه...

ما لك الا الدعاء

وفيه شي ثاني اغراضها وادواتها الخاصةشنطة الفطور المقلمة المسطرة جربي تحطي عليها استيكرات بأسمها

عشان تحس بالتميز وتعزز عندها الملكية ولو ضيعتها مثلا بتلقونها عند معلمة الصف


الله يوفقك

السلام عليكم اختي:
ياريت تعرفينا الان ايش سويتي مع بنتك؟؟ في تقدم ولا لا؟؟؟ ولو في تقدم اعطينا الخطوات اللي عملتيها بالتفصيل الممل عشان نستفيد كلنا!!!
اتمنى ما اكون ازعجتك

بصراحه لو اني مكان صاحبة المشكله ماكتبت لكم مره ثانية ولاشكيت لكم000000000 الحين الاخت تبي حل للمشكله ومن خلال كلامها وطرحها انها حاسة بالذنب وعارفه ان الي سوته خطأ والدليل انه ماجاب نتيجه بالعكس البنت زادت حاله والام تعبت نفسيتها فهي ما طلبتكم تعاتبونها ولا طلبتكم تعلقون على تصرفاتها == تبي حل للمشكله من ناحيتين ام مجربه او تربويه تحل المشاكل== ماقصروا بعض الاخوات عطوها حلول ولكن سبقوها باللوم والعتاب مافيه مشكله اذا صار الرد الاول اوالثاني او الثالث000 لكن حول 83 رد اغلبهم عتاب يااخوات لنراعي مشاعر بعض 00 وعموما حسب دراستي انه اذا جيت تحل المشكله اولا حاول تكسب الشخص الي امامك اما بالثناء على إيجابياته او بالمواساة لمشكلته وانها تحصل لنا س كثير ثم ابدا بحل المشكله وتوضيح الاخطاء حتى يتقبل نصيحتك ولا يتعب نفسيا00 اشكر من واساها بانه اطفالهم يمرون بنفس المشكله00 وكلمة حرام لاتقال الا لم ورد في القران او السنة انه محرم00000 حفظ الله الجميع00الى اللقاء