بنتي بلعت الدوا الله يهديها ..

السلام عليكم ..
بنتي عمرها سنة و3 شهور ... كنت يالسة ارتب غرفتي .. هي اتسحبت وراحت الغرفة الثانية .. وشكلها كانت تجرب مهاراتها الجديدة .. قامت وفتحت الجرار .. مدت ايدها ولقت الدوا .. انا اسمع صوت خشخشة .. قلت اكيد تلعب بشئ.. انا داايم ابعد الادوية عنها واحطها بعيد عن عينها .. بس مادري كيف لقطت هالدوا .. هي من يومها تحب تلعب بالادية ..
المهم .. ناديتها .. الا هي جايتني .. تقرقض في الدوا .. كل وجها خايس منه .. وييييييييييييييييييه .. انهبلت والله .. مادريت شسوي .. قمت وغسلت بوزها بالماي كم مرة عل وعسا يطلع شي .. واتصلت باختي دكتورة اقولها اسم الدوا .. Loratadine and pseudoephedrine.. وانا ارتجف وناشف الدم من جسمي .. وهي تصيح ليش شليت باقي الدوا منها "مستمتعة الاخت " ... تصااااارخ ودمووووووووووووووع ... حتى يوم انولدت ماصرخت جي :eek: ..
اختي قالت عادي ها للحساسية ومافي ضرر الحمدلله عليها .. بس شربيها ماي يمكن تعطش و يصيرلها جفاف شوي .. لأن بالظبط مش عارفة كم حبة خذت .. بس انا شفت 3 حبات عالارض .. حدة ملحووسة .. والثانيات عاديات .. ووحدة اللي كانت تتمضغ فيها .. والشريط اللي ماسكته في 7 حبات .. وكان من الاساس ناقص كم حبة .. يعني تقريبا حبتين ماخذة "اسوء الاحوالل" ..
الله يشفيها ويعافيها من كل سوء يارب .. واللي عندها اي معلومة ياريت تفيدني