انا حاسه فيك والله000لأن ماجرى لبنتك نفسه بالظبط جرى لبنتي
وكان احساسي وألمي وحزني هو نفس اللي تحسين فيه الحين
وصدق من قال (( مايحس بالنار الا واطيها ))
انا بنتي اصيبت بهذا المرض ( الثعلبه الخبيثه ) وعشت معاها اصعب ايام حياتي
بنتي اول ماجبتها كان فيها شعر
ومع مرور الايام بدت تظهر لها فراغات في راسها وكل مالها وتنتشر وانا ماكنت مهتمه
اقول هي صغيره وطبيعي ان الصغار شعرهم يتساقط
وصارت بقع الثعلبه تكبر وتكثر00وصار شعرها خفييييف
وقلت ما فيه الا نحلقها على الصفر وان شالله بيكثر
وحلقناها وقال لنا الشعر باي باي
ومرت الايام والشهور ولا طلعت لها ولا شعره
وصارت صلعا000يعني فروة راسها ناااااعمه وزياده بعد طاحو رموشها وحواجبها
ووديناها لدكتور جلديه وقال عندها ثعلبه خبيثه
اللي هي سقوط الشعر من كامل الجسم
وعطانا لها علاج بخاخ وقطاره وصرت احط لها يوميا بس ماشفت اي فايده
وتركتهم وصرت احط لها علاجات طبيعيه زي الوصفات وخلطات الزيوت
وماتم وصفه لعلاج تساقط الشعر و الثعلبه ما حطيتها لها بس بدون اي نتيجه
وحتى هالثوم اللي يقولون يعالج الثعلبه
صرت افرك فروة راسها بالثوم بعد ما اقطعه نصين
وماشفت منه الا ان جلدة راسها صارت تتقشر
حتى خفت منه وقلت يمكن يدمر بصيلات الشعر وتركته
يعني الثوم يمكن ينفع للثعلبه البسيطه العاديه اما الثعلبه
الكامله ما يصلح لها ابد
وبدت هي تكبر وتفهم وهذي المصيبه
وصارت تقول كلام يقطع القلب وتتأثر من اي حركه تشوفها
يعني لو تشوف اثنين يكلمون بعض ويطالعونها تتأثر وتقول يتكلمون عني عشان ماعندي شعر
واذا شافتني امشط شعر اختها تقول انا ليه ماعندي شعر
ومره كنت استشور شعر اختها وقالت ياليت عندي شعر عشان تسوين لي زيها
وطبعا انا كل مره يتقطع قلبي وينزف دم من كلامها
لأن اصعب ماعلى الأم انها تشوف ضناها يتألم او يحس بنقص
وهي ماتقدر تسوي له شي
وغير الحركات اللي تسويها
زي انها تربط راسها بشريطه او تلبس تاج
وانا اذا سمعت كلامها او شفت حركاتها احس اني اتقطع من الداخل
وتخنقني العبره بس ما باليد حيله
وكنت ايام الصيف البسها قبعه صيفيه بس للأسف كان واضح ان مافيها شعر
واما ايام الشتا كانت ارحم لأن القبعه الشتويه تستر كل راسها
واستمرت على هالحال لحد ما صار عمرها اربع سنوات
وصرت افكر في دخولها للمدرسه 00 وقلت مستحيل اسجلها وهي بهالحال
هي حساسه واكيد مب سالمه من تعليقات البنات واستهزائهم وضحكهم عليها
وفي هالحاله نفسيتها بتزيد سوء
وبعدين رجعنا للدكتور اللي وديناها له من قبل وقلنا له ان العلاج ما فاد
وقال خلاص انا بزيد الجرعه وان شالله بيفيدها لأن في ناس يشتكون
من الثعلبه الخبيثه وهالعلاج جاب معاهم نتيجه وفيه ناس ما فادهم
بس انا متفاءل انه بيفيد بنتكم
وعطانا نفس علاجها بس زاد الجرعه وغيّر القطاره
واستمريت احطه لها مرتين يوميا مع قراءة سورة الفاتحه 7 مرات
و بعض ادعية الشفاء
وادعي لها في اوقات الاجابه وفي السجود في صلاة اخر الليل
ادعي لها بهذا الدعاء
((ياودود ياودود ياودود ياذا العرش المجيد يا فعّل لمايريد
اسألك بعزك الذي لايرام وبملكك الذي لايضام وبنورك الذي ملأ اركان عرشك
ان تشفي فلانه من الثعلبه
يامغيث اغثها يامغيث اغثها يامغيث اغثها ))
واستمريت يوميا مع العلاج والصلاه والدعاء
وكثّفت الدعاء لها في العشر الأواخر من رمضان في صلاة القيام
متأمله اني بدرك ليلة القدر وان شالله الله بيستجيب لدعائي
وبعد مرور شهر بالظبط حسيت ان فيه اثر لشعر خفيف بدا ينتشر في راسها
وكانت فرحتي لاتوصف ووريت اختها عشان اتأكد اذا كان هذا شعر ولا بس يتهيأ لي
واكدت لي اختها انه فعلا شعر صغير بدا يطلع لها
وتشجعت واستمريت على العلاج مع الدعاء لها في السجود و اوقات الاجابه
والحمدلله بدا يكثر الشعر ويطول الا ان الحواجب والرموش كانت شبه معدومه
وانا مستمره على العلاج بس اي نسيان مني على طول يبدا الشعر يتساقط
فحرصت على العلاج والدعاء
والحين هي في الصف الثاني والحمدلله حمدا كثيرا طيبا مباركا فيه
صارت حالها حال البنات وما تحس بأي نقص عنهم
صحيح شعرها خفيف بالنسبه لهم بس اهم شي ان صار عندها شعر تقدر
تواجه فيه الناس
والحمدلله ان فروة راسها تغطت بالشعر
وحتى الحين صرت اترك العلاج تقريبا لمدة كم يوم ما احط لها
والحمدلله ماصار شعرها يتساقط زي اول
وانا الحين دايم اذا طال شعرها اقصه لأن ما ينفع يطول وهو خفيف
خصوصا من فوق رقبتها من ورا صاير خفيف وما ينفع ارفعه
بس الحمدلله انها تحققت امنيتها بلبس البكلات والشباصات
ما شاء الله لاقوة الا بالله
والحين انا استعمل لها بالاضافه لعلاجها زيت الكمال احطه احيانا مره واحيانا مرتين في الاسبوع
لأني قريت عنه انه يكثر الشعر 00 والحمدلله ماشي حالها
واستعملت لها من قبل عشبة الكثيرا بس ما استمريت عليها
هذي قصة بنتي مع الثعلبه الخبيثه
واحب اذكر لك ان الحاله النفسيه مهمه جدا في ظهور وتساقط الشعر
يعني كل ما كانت الحاله النفسيه للمريض ممتازه يكثر شعره ويتحسن
وبالعكس اذا صارت حالته النفسيه سيئه يتساقط الشعر وكأنك يا بو زيد ما غزيت
وهذا مالاحظته عليها
اذا هي حزينه او خايفه اشوف شعرها يتساقط وبس تنبسط يرجع شعرها يثبت ويكثر
وكنت احرص دائما اثناء وضع العلاج على ذكر ادعية الشفاء
وابعدها عن كل ما يسبب الحزن والضيق لها
و الدعاء00ثم الدعاء00ثم الدعاء
في اوقات الاجابه وفي السجود في صلاة الثلث الاخير من الليل
بقلب خاشع ونفس منكسره بين يدي الله عز وجل
اسأل الله العظيم رب العرش العظيم ان يشفي جميع مرضى المسلمين شفاء لا يغادر سقما


(( آسفه اذا طولت عليك بس لأني حسيت
بالمأساه اللي انتِ فيها وحبيت اذكر تجربتي وان شالله تفيدك
اسأل الله العظيم رب العرش العظيم ان يشفي بنتك
شفاء لايغادر سقما وتفرحين فيها وتشوفينها احلى عروس ))

الله يشفيهاا

حبيبتي رجاوي الحمد لله على سلامة بنتك وان شاء الله تشوفيها احلى عروس
واشكرك من كل قلبي على تفاعلك ونقلك لي التجربه وما طولتي ولاشي الله يحفضك ويحفظ لك من تحبين ويحقق لك ماتتمنينه


بكييييييت من الفرحه املي بالله فوق كل شي بس من كلامك ارتحت كثييييير
انا ابي ارسلك على الخاص واسالك وش اسم الدكتور اللي رحتي له ووين باي مستشفى واي مدينه
بس الخاص عندك مايقبل مادري ليش حبيبتي ارسلي لي عالخاص اوحطيه عالعام عادي
وجزاك الله الف خييييير

----

لا شكر على واجب
انا من فرحتي بشفاء بنتي كل ما اقرا موضوع مشابه لموضوعك
يعني وحده تشتكي من الثعلبه سواء هي او احد عيالها او قريب لها
على طول ارد على موضوعها واكتب تجربة بنتي
وانت لو تروحين لردودي بتشوفين ردي هذا اللي كتبته لك مكرر في كذا موضوع
عن الثعلبه بإختلاف بسيط
يعني حسب الموضوع اللي ارد عليه
لأني كل قصدي اني اعطيهم الامل و اذكرهم ان رحمة ربي وإرادته فوق كل شي
وبالنسبه للدكتور
واضح زي ماذكرتي في موضوعك انك ساكنه في الرياض
بس انا ساكنه في الشرقيه والدكتور اللي عالج بنتي في الدمام في مستوصف السلام
واسم الدكتور ممدوح الله يجزاه خير الجزاء
ولو شايفته يوم شاف بنتي لما بدا شعرها يطلع
كان متشقق وفرحاااان وكل موعد لها عنده يصور راسها من كل الجهات
عشان يشوف التطور اللي يصير مع كل شهر
وحتى الممرضه اللي معاه استانست ونادت صديقاتها الممرضات
عشان يشوفون التطور اللي صار لبنتي
وبنتي لازالت تراجع عنده لأنها للحين مستمره على العلاج
وبعد كل فتره يعطيها ابره عشان تسرع نمو الشعر وتكثره وتساعد على تثبيته
وعلى فكره انا وديت بنتي لعيادة ديرما في الرياض عند الدكتور عبدالله العيسى
بعد ماقريت عنه مدح في قناة بدايه
بس عطانا علاج للثعلبه العاديه وماحطيته لها لأني حسيت انه مب نافعها
لأنها هي محتاجه لعلاج الثعلبه الكامله
وواصلت علاجها مع الدكتور ممدوح
الله يفرحك بشفاء بنتك شفاء تام وتصير لك هالمأساه مجرد ذكرى
اللهم آمين