بنتي تبغى احملها طول اليوم وهي تعرف تمشي والمشكلة مقدر اسوي شغل البيت حتى اغسل وجهي واتوضا الصلاة بالغصب تسوي نفسها لامحملتها وأنا حامل مقدر احملها لما احملها يصير بطني ثقيل من تحت ومااسحى من النوم الا بطني متحجر ووياالله اقدر أقوم .واظن السبب لاني احملها وابوها مسبب لي القلق لان مقدر اسوي شغل البيت وأنا حاملتها ومهما قلت له يسكت يرجع يوم ثاني نفس الشيء يسال ليش أنا مانظفت وليش وليس...تعبت وأنا ارد عليه نفس الكلام ويرد يوم ثاني يسال احيانا ودي اضربها عشان تجلس لين تقول بس ولكن أقول ماتفهم ولكن اللي يقهر زوجي مايعذر لو سكت اليوم بكرة يزن.
وهي ماكانت كذا بس زرت ناس وبنتهم الله يهديها دائم تحمل الأطفال ولاترضى تنزلهم ومن يومها حملت بنتي وهذي هي كله رافعه اياديها تبغى احملها والصراخ لوين لو ماحملتها تسوي نفسها معذبة ومذبوحة مع ان كانت عادي قبل ماحملها أنا فالبيت يعني وكانت عادي ومن حملتها بنت جارتنا وأنا مبتلشة مدري وش اسوي وهي ماشاء الله تقدر تمشي ومن تشوفني جالسة مشغولة بشيء غيرها اسوي نفسها مقتولة مع ان عندها ألعاب وكل شيء وأنا ودي شوي اروق واجلس ماهو كله هي وبس ولكن مافي احد يلعب معاها ولاشيء مدري هو الاطفال يطفشو من بدري فهمو الطفش وأنا أحط لها كرتون وكل شيء ولاكانها تشوفه
وش الحل يعني مع الطفل اللي يبغى كله تحمليه وهو ماشاء الله يعرف يمشي وبسوي نفسه مقتول وينسدح في الارض ويصرخ لين يدوي راسك وانت عندك اشغال متراكمة مين يسويها حتى اني صرت أحط سدادات في اذني لااتنرفز من الصراخ 💔
 ادري هي بنتي ولازم اتحمل مسؤوليتهاىبس محد يقدر يسوي شيء وهو حامل طفل كيف بس حتى احيانا اغسل وجهي بيد وحدة💔 ليت ابوها بس يخلص شغل يجي بس مايجي الا للمشاكل فاشوى فكه منه يتأخر ومدري وش اسوي محد عندي ياخذها ولاحتى شغالة 🤦‍♀️هابشيء يخلي فيني عصبية مكبوتة تجاهها وأقول ليش هي تمشي وتبغى احملها مدري شالسالفة هي كانت عادي بس فجأة طلع لها حبة فال وتنفخت عيونها وجاها نزلة برد وماشفت الا متغيرة وماقدر اسوي شيء بسببها..