بنتي تبكي وهي نايمه وتتكلم بحلمها بصوت عالي

يابنات انا عندي بنت عمرها سنتين و8 شهور تنام على الساعه 12 ونص وتصحى 12 الظهر
وعندها اخت اصغر منها عمرها سنه و4 شهور
يابنات بنتي عندها حاله غريبه وهي نايمه تقوم تبكي وتتكلم باللي شافته بالحلم بصوت عالي وتطول يمكن تاخذ نص ساعه احاول اكلمها اصحيها من الحلم وتحس فيني واقولها تعالي عندي بالسرير تصحى وتقول لا ابي سريري بعدي عني لاتلمسيني وترجع تبكي مره ثانيه وتكمل حلمها وهي واختها ينامون معي بغرفتي احيانا ماتهدا الا اذا اعطيتها رضاعه

وحتى احلامها عاديه يعني احد ماخذ لعبتها في الحلم والا ماخذ شنطتها
وعندها ولد اختي دايم مع بعض بس دايم يتهاوشون وتتحلم فيه احيانا وتنادي باسمه وتشتكي منه بالحلم

وانا الحمدلله احصنها واقرا عليها دايم بس مدري ليه تجيها هالحاله
اذا قامت تبكي احاول احضنها عشان تهدا تبكي ماتبيني المسها
واقوم اقرا عليها وهي تبكي بس نفس الشي مايتغير

ثلاث ايام سوتها بعد اليوم الثاني نومتها بدري من 9 ونص وماصحت ولابكت يمكن صدفه والا عشانها نايمه بدري

الله يخليكم اللي قد مرت عليها هالحاله
والا جربتها تقول وش الحل
والا تعرفون احد جاته نفس الحاله