السلام عليكم.. صبحتسن الله بالخير
يمكن تستغربون اني فاتحه موضوع بس قلت ابسولف عليكم سولافه :icon33:
انامطلقه طبعا لا تضيق صدوركم علي انا ودى اطلق وتطلقت الحمدلله
المهم عندي بنت عمرها اربع سنين والله انها موب بنتي وبس صديقتي وجنينتي والنكته حقتي وياحبيلها بس
لو الله يفكني من هالمواقف الي تحطني بها :09:
انا بقولكم سالفه قشرا سوتها معي هالمفعوصه جعلها تعرس اذا صار عمرها 20 وافشلها بليله عرسها
ذبحتني تقولي ماما ليش حنا ماعندنا ابو ؟؟
وارد عليها ان شاء الله بيصير عندنا << عاد بقلبي اقول ان كانه مثل ابوتس ياعله مايجي ابد
عاد هي تعرف انها عندها بابا بس ماتبيه لانه مايجيها ولا يهتم بها..<< الفكه منك راحه
وهي تحسب ان الابو ينشرى هههههههههه ياحبيل بنتي قالت لي ماما يالله اشتري لنا ابو قلت خلاص اصبري بس وانا اجيب<< الله يمحى حرف الجيم خربان اليوم ارعصه مايرعص :mad:
المهم
عاد هي بقلبها سالفه انها تبي ابو نروح ونجي معه زي اختي وبنتها
راحت لم ابوي وقالت له ماما تقول اشتر لنا ابو :09: ياويل قلبي اغدي كشنه جريش مع التفشيله
عاد انتم تخيلو الفشله وش كبرها وكلن اعجبته سالفتها وصارو يقولونها وانا قمه الاحراج :(
السالفه الي عليها الكلام هي تبي خاتم طبعا دايم يقولون البنت زي الزوجه الثانيه تغار من امها وتقلدها
ذبحتني تبي خواتم
عاد رحت انا وياها عشان احقق امنيتها واشتري لها خاتم
المهم انه قام الراجال يقيسها ويسولف عليها عاجبته ويقولها وش اسمتس وهي تمسرد تسولف وانا قلبي طربق طربق اخاف تكب العشا ولا تقول شي:09: ويلبسها وهي تنقي وتعلق هذا يع مثل فلانه وهذا كبير ابي قدي
عاد الذهب طاير قالت ابي هذا تاشر على رقبتها قالي خوذي لها طقم
انا مانيب موظفه بس قلت بنفسي ماودى اقول لها لا ودى افرحها
قلت يالله هي تحسب ان الرجال يعطينا بلاش << ودى مسطرتها ذاك اليوم :mad:
قالت يوم خلصنا واشترينا ابلبس وتفزع الدنيا ابلبسه عاد هو طلعه من العلبه وحطيتها انا فوق الطاوله ولبسها اياه
استانست قالت ماما تكفين اثتري هذا يثير لنا ابو
الترجمه
اشتري هذا يصير لنا ابو
انا ياويل قلبي صح متغطيه بس احس مويه حاره تصب فوق راسي وصار وجهي ناااااااااااار من الحيا مدري وش اتصرف وهو اشوفه ماسك نفسه بينفقع من الضحك
سحبتها ونزلتها وقعد يحط لي الحلق بالعلبه ويجيب كيس وهو مبين عليه به ضحك عاد موب كبير مره بس المهم انه رجال
قلت تعالي وامسك يدها قالت ماما ماقلت له شكرا واجي اسحبها ابي تسرع لا تقول شي الا واحد يدخل معه اهله وهي تقول انا ابي ابو حلينا نروح معه :09:
ياويل قلبي انا بموت واجي اشيلها وانحاااااااااااااااااش وهي النحشه
تكفون الي تضحك على بنتي تدعي لي ان الله يوفقني باموري وايخليها لي ولا يحرمني منها ولا ياخذها مني ابوها :(
طاهرة النوايا @tahr_alnoaya
عضوة فعالة
يلزم عليك تسجيل الدخول أولًا لكتابة تعليق.
الملكه المتميزه
•
ياحياتي الله يخليها لك يارب
ياحيااتتي عليها فديتهااااا
معروووووووووف الصغار يكبون العفش دايم
وربي يرزقكم وتشرووون ازين ابووووو
معروووووووووف الصغار يكبون العفش دايم
وربي يرزقكم وتشرووون ازين ابووووو
هههههههههههههههههههه يالبا قلبهااااا ويخليها لك ويبلغك برها يارب ...
ايه الاطفال احيان يحرجووون بقووووووووووووه ...الله يرزقك بزوج الصالح الي يغليك انتي وبنتك
ايه الاطفال احيان يحرجووون بقووووووووووووه ...الله يرزقك بزوج الصالح الي يغليك انتي وبنتك
الصفحة الأخيرة