بنتي تتحمل خطأ معلماتها

حبيباتي أحب أستشيركم في موضوع محتارة فيه وأملي فيكم بعد الله كبير أتمنى ما تخيبوا ظني




بنتي في الابتدائية مرة متفوقة ودايم العلمات يثنو عليها بسم الله عليها

قبل شهر ونصف تقريبا كرمت المديرة الطالبت المتفوقات وما كرمت بنتي

استغربت ورحت للمدرسة أسأل عن السبب وتفاجأت كل ما أسأل مدرسة عن بنتي تقولي ممتازة مستحيل ما تتكرم

وفي النهاية طلع السبب نسيان المعلمات كتابة إسمها

امتصيت غضبي وكلمت المديرة وهي تعرفني وطيبة معي المهم وعدتني ان البنت لازم تتكرم وهذا من حقها

مضى أسبوع ولم يحصل شيء

أرسلت لها أسألها عن التكريم ومافي فايدة رجعت رحت لها وقلت لها اش ذنب البنت ما تتكرم بسبب المعلمات

فوعدتني خير وطمنتني مضى أسبوع ونفس الشيء

أخرها قبل الاجازة رحت ولقيت المرشدة ووعدتني طبعا كلام فاضي بس

ألحين صبرت هذا الأسبوع اللي هو بعد الاجازة وماتكرمت البنت

بصراحة مليت بس مصرة ما أسكت عن حق بنتي

شوروا علي كيف أتصرف لأن فكرت أرسل بكرة الأربعاء خطاب من زوجي للمديرة

برأيكم كيف يكون الأسلوب لأني فكرت يكون أسلوب عتاب قوي

فساعدوني الله يرضى عليكم وبسرعة قبل الفجر عشان أكتب الخطاب