السلام عليكم
كيف حال الأمهات
انا عندي مشكلة متعبتني مراااااااااااااااا
بنتي عمرها 6 شهور توها تدخل السادس
المهم هي ترضع طبيعي وصناعي من ولدت للشهر الرابع تقريبا
بعدين سارت ترفض الرضاعة رفض قاطع
ودا شي متعب حتى في السوق تجلس تبكي تبغى الصدر
المهم جلست أرضعها من الصدر بس
للعلم هي كمان ترفض المويا من ولدت يعني أشربها بس مرا قليل
وقد رحنا لدكتورة أطفال في الحبيب وسألتها قالت عادي للشهر السادس
لأنو حليب الأم 70 في المية مويا
المهم
نجي للمشكلة التانية
حاولت بكل الطرق إنها تحب الرضاعة عشان المويا وشاي الأعشاب والعصير
رفض قاااااااااااااااطع وبكا وصياح ومناحة
طيب المعلقة والكوب والفنجان وكل شي تتخيلوه
ورضاعة نوك عشانها تشبه حلمة الصدر
مرات ترضع شويا بعدين تردها
طيب اش الحل ؟؟؟؟؟؟؟؟؟؟؟؟؟؟؟؟؟
حتى الأكل بدأت معاها وتآكل بس قليل والمويا بالمعلقة
استغفر الله حالة
طيب أنا عندي ولد أكبر منها وبيت وأكيد زي أي زوجة فيه مسؤوليات تانية
وما عندي شغالة
يعني كلو على راسي
اش الحل
أنا بدأت أقلل من الرضاعة الطبيعية لها وهي سارت متنرفزة وبكا ودموع طول اليوم
بس أنا طبيعي مطنشتها
يعني قلت أقلها أقلل من رضاعات النهار بعدين نجي لليل لانو فلم وهي ترضع وتنام جبني
هل فيه امل انها تحب الرضاعة ؟؟؟؟ ما اتوقع
الكوب تقريبا تتقبله اكتر لكن طبيعي يكبب وهي تشرب شويا شويا
طبعا دا كلو مترافق ومتزامن مع انها بادية تعاني من الاسنان
وسعابيل وتفالين وبكا وتنام احيانا بدون رضاعة
هل فيه احد مر بدي التجربة قبلي يساعديني بأفكار مفيدة عملية
ولدي كان يرضع صناعي من ولد عشان كدا مو نفس وضع بنتي
...................................................
نسيت أقولكم يومياتي لليوم
اليوم قمت الظهر
وبنتي قامت بعدي بساعة ونص
المهم أديتها من صدري شوية
بعدين سيرلاك مع حليب صناعي وشوية سكر
آكلت بس قليل مع مويا بالمعقلة
بعدين تبغى تنام
نامت بدون صدر
وبعدها لمن قامت
أديتها بسكوتة تمصها
وبعدها شويا من الأكل المعلب فواكه بس كم ملعقة
مع شاي أعشاب بالمعقلة
أستغفر الله من تعب وحالة
بعدها زنت وبكا
أديتها صدري شويا
وبعدين شربتها بالمعقلة شاي أعشاب ومويا وحليب من صدري حطيتو في فنجان
يا ربي من تعب مو معقول
بعدين عصرت صدري وحطيتو في رضاعة قلت أجرب وهي نايمة
ع طووووووووول قامت وما حطتها في فمها
جات الفكرة القديمة
بقطارة الدوا الطويلة من سيتي بلازا
تصدقوا
جلست تشرب بالقطارة !!!!!!!!!!!!!!!!!
كل شويا أعبي وأديها
حتى نامت
يا ربي معقولة كدا كل يوم
أنا وراي دراسة كمان من فين يعني أجيب وقت بس
يلزم عليك تسجيل الدخول أولًا لكتابة تعليق.
dew8
•
يا عالم ساعدونا نفس المشكله
نفس حاااااااااااااااااااالتك:( ولدي دخل الشهر السااابع ومو متقبل الرضاااعه
ولا اي شي لاعصير ولا شاي الاطفال ولاي شي:(
انا اول مره ارضع طبيعي واحس اني توهقت لانه متعلق فيني بطريقه رهيبه :( مايبيني اتحرك ابدددد ومثل ماقلتي عندي مسؤليااااات ثااانيه وماعندي شغاله:(
ولا اي شي لاعصير ولا شاي الاطفال ولاي شي:(
انا اول مره ارضع طبيعي واحس اني توهقت لانه متعلق فيني بطريقه رهيبه :( مايبيني اتحرك ابدددد ومثل ماقلتي عندي مسؤليااااات ثااانيه وماعندي شغاله:(
شمس غزة :
نفس ابنى بس عمره 4 اشهر الا شوية بس حبيبتى شو يعنى سعابيل ؟نفس ابنى بس عمره 4 اشهر الا شوية بس حبيبتى شو يعنى سعابيل ؟
يا قمر
سعابيل بلهجة أهل الرياض ونجد = تفال وتفالين بلهجة أهل الحجاز
= لعاب الفم اللي يخرج من فم الطفل عند وقت ظهور الأسنان :27:
الصفحة الأخيرة