بنتي ترفض الصناعي :(

يسعد مساكم حبيباتي
بنتي من جبتها عندها مشاكل غازات الله يكرمكم ومغص بالأول كان المغص شديييييد لدرجة بس تتزحر طول الوقت بالأخير اكتشفنا إنه بسبب رضعة التمر ما ناسبها ووقفته لكن ما زالت مستمره وأشربها قبل النوم رضعة يانسون و أسوي مساج الغازات لبطنها بزيت زيتون الحمدلله يخف نوعاً ما مع كمان موية الغريب، وأنا أرضعها طبيعي الحمدلله
المهم بدت تعاني من مشكلة تزيد غازاتها بشكل أكبر هو إن الحليب يسبب لي غازات شديده ولما أرضعها بعد ما أشرب الحليب تنتقل لها الغازات ف تعاني منها بشكل شديد مره مع إني أشرب بعد الحليب أعشاب لكن ما فاد :(
عمرها الآن ٣ شهور ونص وقررت أجيب لها حليب صناعي وجبت لها رونولاك جنتل الخاص بالغازات والانتفاخات بس المشكله إنها تبكي و تطلعه و تتاوع ما تبيه رافضته :ohmy:
هي عادي تشرب من الرضعه معودتها ع الماء و اليانسون بس رافضه الحليب نفسه تبي من صدري :(
زوجة خالي سبق و سوتها مع بنتها وقالت لي جوعيها وعطيها كل مره و اغصبي نفسك اببببد ما تعطينه من صدرك لين ترضخ وتشربه وتقول يمكن تاخذ معك يومين

اليوم أول يوم لي معها مقطعه قلبي لدرجة صرت أعطيها الحليب بإبرة الدوا ابيها تشبع و أبيها تتقبل طعمه، هل سبق ووحده منكم صار لها هالشي؟ وكيف قدرت عليه؟ و كم أخذ معها الموضوع لين طفلها صار يرضعه؟

مو قادره أتحمل أشوفها تبكي تبكي لين ينهد حيلها وتنام :(
وآسفه ع الاطاله بس من قل حيلتي :/