بنتي ترفض ان تتكلم وكلما اعلمها كلمه تهز راسها بالرفض

السلام عليكم ورحمة الله وبركاته
كيف حالكم يا بنات حواء,,؟
بغيت اعرض عليكم مشكلتي مع بنتي ,,, هل وحده منكم حصل مع اطفالها الي يحصل مع بنتي ؟؟؟؟؟
بنتي عمرها سنه و10 اشهر وانا ما عندي غيرها ,,, قبل فتره يعني قبل تقريبا شهرين او اكثر شويه
بدت بنتي تتكلم كلمتين او 3 كلمات مع بعض وتكون جمل ...
كنت افرح واقول ماشاء الله بدت تتكلم ,,, وحتى احسها هي نفس الشي تفرح لما تتكلم وتحس نفسها كبيره
,, فكانت تحاول تقلد كلامي ,,اي كلمه اقولها تعيدها وراي ,,,,

:44: بس للاسف بعدها حسيت انه البنت بدت تتراجع ولما اقولها تقول كلمه ترفض
تهز راسها بالرفض كانها تقولي ما ابغى اقول هالكلمه....

غير كذا هي تحب افلام الكرتون ,,وبحكم اني بعيده وعايشه برا ,,اشتريلها افلام كرتون بالانجليزي
بس يعلم الله اني ما اخليها تجلس كثير ,,, يعني بالكثير 3 ساعات ,,بعدين اطفي التلفزيون واحاول العب معاها
واكلمها وافتح الكتب حقتها ,,, واسالها ايش هذا ؟ بس ما ترد علي الا بصعوبه
يعني لازم اشجعها واصفقلها عشان تقول كلمه بصعوووووووووووووبه
واحس انها تحب تلخبط بالكلام الغير مفهوم ,,, طول الوقت تلعب لحالها تلخبط ,,, لما تبغى شي بدل ما تقول ماما بغيت او
شي زي كذا .... تلخبط بالكلام ...
احاول اقولها بهدوء ماما ناديني ماما ..... بس ترفض تهز راسها بالنفي ...:44:

مع العلم انها ما تشوف اطفال كثير ,,, يعني انا وابوها وهي بس في البيت ,,,, واطلعها بين فتره والثانيه للحديقه
عشان تلعب وتختلط بالاطفال....

بالله عليكم اشيروا علي ايش اسوي ؟؟؟
وطمنوني انه هذا شي طبيعي ولا لا ....

بنتي بتتراجع بدل ما تتقدم في الكلام ولا هذا شي طبيعي ؟؟؟؟؟؟؟؟؟؟؟؟؟؟؟؟؟؟؟؟؟؟؟:ohwe:
الله يجزاكم خير يارب ويحفظلكم عيالكم ان شاء الله من كل مكروه ...