بنتي تسال ماما ليش فيه غبار ؟؟ جاوبت عليها لان....

قبل اسبوع او اكثر ايام العج والغبار تسالين ماما ليش فيه غبار فانا حبيت استغل الفرصه واغرس فيها شي طيب مع العلم عمرها ثلاث سنين ونص بس ماشاء الله هالجيل يفهمون :27:

فقلت لها لان الرجال مايصلون بالمسجد والحريم مايتغطون وجلست كم يوم ارددها عليها وهي ترددها حتى كانت تعلم خواتي تقولهم ان العج يصير علشان الرجال مايصلون والحريم مايتغطون

خلصت من هالنقطه وزدت عليها وعلشان الاطفال مايسمعون كلام ماما وبابا وصرت اذا قلت لها شي ومارضت تسويه اقولها يالله علشان مايجي عج

الزبده احاول اربط بين المعاصي والعقوبات الالهيه علشان احببها لفعل الخير واكرهها بفعل الذنوب

عاد قبل يومين قالت لي ماما انت ماتغطين عاد انا :32: فتحت عيوني قلت وشو؟؟

قالت انت يوم نروح الطايف ماتغطيتي تقد بالسيارة بالطريق قلت لها ياماما ماكان فيه نور والرجال مايشوفون قالت ايه صح اذا فتحنا اللمبه تغطين قلت ايه :55:

يعني الحمد لله التعليم جاب نتيجه فنصيحه ياامهات حاول تتكلمون مع عيالكم وتحاورونهم وتبينون لهم الاخطاء لانهم الحين يتعلمون ويبقى معهم حتى لو كبروا وتغيروا يبقى فيهم الجانب الطيب ويرجعون على ماعودناهم

يعني مثلا الدخان والتفحيط للي عندهم اولاد حاولي اذا شفتي رجال يدخن او احد يفحط او حتى هالشباب اللي مطولين شعورهم ومشغلين اغاني استغفري ووضحي لهم انه هالعمل مو طيب وان الناس مايحبون اللي يسوي كذا

وبرضو البنات اغرسي فيهم كل شي طيب

بنتي امس نمشي ومره من عندنا سياره مشغلين اغاني صرخت عليهم قصروه حرام :mad:

بصراحه تفاجات وعرفت ان العمل الطيب يثمر الله يقر عيني بصلاحها واشوفها داعيه


انتظر اضافاتكم وتجاربكم