بنتي تغيرت كثير !

السلام عليكم عزيزاتي مشكلتي .. انا عندي بنت بكري عمرها ١٠ سنوات كانت قبل كم سنه تجنن زي النسمه هاديه ومؤدبه ولطيفه مره لما كبرت اختها اللي بعدها تغيرت علينا كل سنه اسواء من اللي قبلها اولا تكره اختها ودايم تضربها مع اننا مانفرق والله بينهم وهي معطينها الأولويه اكثر ومدلعنيها وابوها مدلعها بزياده لكن للاسف الاهتمام والدلال مانفع معاها فيها عناد الدنيا ودايم معصبه لانها تبي اشياء احنا مانبيها بقولها لاحقا وصارت تراددني دايم انا يا امها وتفشلني عند الناس دايم ندخل وتكون معصبه وقالبه وجهها مرات بسبب ان الاطفال الموجودين معاهم برامج انا مانعتها خلاص تقلب كل العزيمه مبوزه وكلن بس يسال شفيها شفيها حتى مع امي وابوي تفشلني وتحرجني معاهم يالله تسلم عليهم واذا عطوها مثلا شيء تصده ب اسلوب مو حلو تعرفون الاجداد يحبون يعطون حلاو او اكل هي تصدهم ب اسلوب يفشل ينقطع وجهي والله بسببها مع انهم يحبونها والله مره ولا عمرهم اذوها وترادد خواتي ( خالاتها ) ابد ماتحترم احد لدرجة احس خواتي معاد يرغبون فيها ويهاوشونها دايم وهالشيء يضايقني لانها يعد بنتي لكن هي اللي تجيبه لنفسها .. تعبت معاها ياناس طبعا السالفه الجديده اللي معذبتني جدا فيها تموت عاليوتيوب والتيك توكوصراحه انا حاذفه عنها هالبرامج وهي تسوي المستحيل لتوصلهم وانا اول عادي عندي تتابع اشياء اطفال بس لقيتها تروح تتلقف علىاشياء مانعتها افلام رعب ومقاطع اللي مثل انظرو ماذا يفعل هذا الاب لابنه وقتل وتقطيع واشياء تجر لاشياء غلط وبالليل تتحلم من الرعبوتصارخ والله هذي حالتنا معاها اذا شافت اشياء الرعب ، سويت لها قيود صارت تدخل على يوتيوب من قوقل تعبت فيها والله تتموت و تتابع هالاشياء و مقالب والتافهين وتقلدهم عندي اي شيء امنعا تتابعه تركض تتابعه مهما عاقبتها ووعدتني انها ماتتابع اول ماسلمها تتابع ليش مهووسه في اي شيء امنعها منه ! 😔💔 وتفتح نتفلكس وتدخل على قسم الكبار واللي عنده نتفلكس يعرف مستوى الدناءه والانحطاط اللي في قسم البالغين من صور الافلام والمسلسلات انا محمله النتفلكس عشان اختار لهم فلم اطفال كل فتره لكن تحب تتلقف وتدخل قسم الكبار انا تعبت مهما اعاقبها وامنعها واسحب الايباد منها وبعدين اسامحها وارجعه ترجع لكلشيء ممنوع والله مدلعتها انا ووالدها وكل العاب الدنيا عنها والتلفزيون مشتركين بقنوات اطفال خاصه عشانها ولكن ماتبي الا يوتيوب وتيكتوك وتجلس تترقص كني جايبه رقاصه للأسف ولا حركات زي المهابيل وتسوي مقاطع مره معفنه كنها مختله للأسف مدرستها كذا ثقافة البنات هناك برامج ورقص ومسخره كل وحده فاتحه تيك توك تترقص فيه و بنتي تبي تصير زيهم الله يصلحهم انا مالي شغل فيهم لي شغل ببنتي بس هيمتفوقه مره بس مو حب للعلم لاني وراها بس ولا هي تبي تصير زي صحباتها تيك توك وسناب وهبال وهم الله يصلحهم مش مهتمات للدراسه ابدا وتبيتصير زيهم تلعب وبس مستقبلا لازم نجيب لها جوال وابوها قالها حجيبه لك بسادس كيف نجيبه ووضعها كذا كيف اثق فيها الله يصلحها كيف اغير طموحها من حب التوافه والسخافات هذي وتترفععنها تعبت معاها والله وماقدر اتنازل واخليها تتابع هالاشياء ابدا يوم ما بيكون معاها جهاز لحالها ابيها تراقب الله ابي اتطمن عليها وقتها انها ماتستمر كذا يشدها كل شيء امنعها منه