حبيبتي تهزيئك للبزران الي ضحكوا عليها تصرف غلط!

ألحين انتي تبين بنتك تتعالج صح؟إذا إن شاء الله تعالجت ورجعت طبيعيه وقرت عينك فيها:)

ماراح تلقا أحد يحبها أو يتقبلها في المجتمع!خاصتاً لو كان الأطفال الي هاوشتيهم هم عيال عمها أو عيال خالاتها:(

حببي الناس فيها حاولي تسوين لهم حفلات بسيط في بيتك عشان بنتك تندمج معه هذا بيساعدها كثير وبيحسن نفسيتها ويخليها تتقبل العلاج أكثر:)

بس إذا هاوشتيهم ترا بيكرهون بنتك!
لما كنت صغيره مرة عمي هاوشتني عشان طرحت بنتها من لعبتي وأنا ما أدري!
طبعاً هواش ذي المريضه ماخلا من الضرب!وهذا وأنا على نياتي رايحه أوديي بنتها لها خايفه عليها ضربتني ضرب:(
ولما نزلت طبعاً أهي خافت من أمي وأبوي عشان كذا جابت لي جدتي جلست تمسدني بالفازين والله ماأنسا تفاصيل ذيك الساعه حسبي ربي عليها!
خصوصاً أنها ممكن تكون أول وحده مدت يدها عليه!
وللحيني أكرها وأكره بنتها وصرت أكره عمي معهم!
كل هذا عشان هذا الموقف قبل 24سنة!
والله ماصليت صلاه إلى دعيت عليها فيها!من يوم عمري 14سنة وأنا أقوم الليل عشان أتحسب عليها!عين الظالم تنام لاكن عين المظلوم ماتنام:(من هذاك اليوم إلى اليوم أتحسب عليها:(

واللحمدالله وتزوجت وخلفت وبنتها عندها في البيت:(
والله ماأتنصر عليها لاكن أحسه من دعاي عليه وعلى بنتها:(

كل كلامي هذا عبرته أنتبهوا يابنات ترا الظلم ظلمات!خاصتن لو ظلمتي طفل:(

لاتضربين عيال الناس!ترا أنتي وأبوهم موب دايمين لهم طول الحياه!
أقصد بالعاميه يعني خلي لولدك حبايب موب أعداء،ترا كل موقف سيئ يجلس في خاطر الطفل!ممكن الي ضربتي هذا يحتاج له ولدك يوم يكبر لاكن أذا جلس في نفس الطفل هذا ضربتك يصير عليه ألد أعدائه،لو جاني ولدي يشتكي من أحد ضربه حتى لو الي ضربه عندي وفي يدي ماأضربه أعطيه حلاوه هديه وأفهمه أن هم أخوان وماايصلح يتعادون!

مهمن كان تراهه أطفال يتزاعلون ويتراضون!
والي تضرب عيال الناس لو كانوا أشطن الشياطين!تعترب في نظري ناقصة عقل يوم تحط عقلها في عقل بزر:(

ولا ذوليك الي يتهاوشون عشان هوشه بين أطفالهم!يالله لك الحمد والشكر:)


شطحت وجد:)

الله يشفي بنتك:)بس هي ماعندها مشاكل طبيه إن شاء الله؟
الله يبلغك فيها ويبلغني في جنة❤

مايبغالها شووور اكيد لازم تعرضينها على اخصائي
بس لاتاخذين لها ادويه تلعب في اعصابها يبغالها دكتوره تتكلم معها وتاخذ وتعطي معها الين يفك معها ثقل اللسان والتشتت الذهني

انتي بنفسك كلميها وسولفي معاها كثيييييييير
وكمان قبل النوم حكيها قصه وسولفي معاها
عشان ينطلق لسانها

الله يشفيها وبنتي ويطلق عوقهن وكل من طلب الشفاء منه سبحانه :icon36:

يا اختي حرام يوم البنت صغيرة وحركتها كثيرة

كبتوها بالادوية قال ايه قال فرط حركة 

اي طفل ذكي لازم تكون حركته كثيرة 

مسكينة بنتك حزنتني بس علاجها بيدك 

تكلمي معها كثير