حز بخاطري جملتك ان اذا مرضت بحراره تو زكام تعطيها علاج كواجب بس بدون رحمه
والله حرام عليك كانك مرت ابو مو أمها كيف كذا انا بنتي نفس عمر بنتك بس لو مرضت استخف ما انام الليل حتى لو مسوي فيني اللي مسويه انسى كل شي

ترى اسلوبها معاك انعكاس لتربيتك ومعاملتك لها واضح انك تفرقي بالمعامله
وشي طبيعي الغيره تجي بينهم وهذا مهمتك تقللي الغيره مو تكرهي البنت
وفعلا بنتك مو شغاله تساعدك بالبيت بالغصب كل شي بالغصب مايجي
حاولي تحببينها بمساعدتك يعني تساعدك برضاها واهي مبسوطه
مثلا اذا نظف شي بسيط او غسلت كاسه او صحن او شالت وصخ من الارض طيري من الوناسه افرحي وحفزيها بالكلام انها سوت شي عظيم وكبير واسعدك
وأنك سعيده بوجودها بالحياه وأنك جبتيها اسعد أيام حياتك وأنها الكبيره والكل يحتاجها وخواتها محتاجين تعلمهم من ابداعاتها
انا فرق بين بناتي كبير وفيه غيره بس لما تغار اقول لها ترى ذي بيبي تتعلم منك ماعليه تحمليها شوي لين تكبر وتفهم مثلك
ارجوك غيري معاملتك لبنتك لاتكرهييها لان الطفل يحس بكره امه او حبها وينعكس ع تصرفاتها
احتضنيها قبل تنام وقبل تروح المدرسه وإذا جات من المدرسه وحتى وسط اليوم
حسسيها بحبك لها وسعادتك بوجودها والله راح تتغير بس اذا انتي اساسا تغيرتي من داخل حبيتيها