بنتي تمص اصبعها.. تجربتي

اخواتي الغاليات حبيت انقل لكم تجربتي المتواضعة في فطام بنتي عن عادة ** الاصبع. ارجو انكم تستفيدو منها

بنتي عمرها الان تسع شهور. و من وهي عمرها شهرين وهي تمص اصبعها. بالاول كنت كل ما اشوفها تمص اصبعها اشيله. لكن عبث. لانها تعلقت فيه بشكل غريب. بعدين انا صرت ارتاح لانها تمص اصبعها وتنام طول الليل وتنام عشر ساعات و اكثر متواصل. فتركتها تمصه براحتها
ولماصارت تقريبا ست شهور تعلقت فيه كثير لدرجة ترفض ترضع الرضاعة الطبيعية. ومعظم الوقت اصبعها في فمها. فكرت وقررت انهي هذا الموضوع. وصرت اسال الامهات الي بعرفهم والكل يحكيلي لفي ايدها او حطي لها شي يحرق او مر على اصبعها لكن هاي الافكار ما عجبتني ولا حبيتها. ما ابي اعذب بنتي. كنت ابحث عن بديل.
الى ان عرفت سبب ** الاصبع عندالاطفال. ومثل ما بقولو اذا عرف السبب بطل العجب

السبب وراء ** الاصبع او التعلق في بطانية معينة او لعبة معينة هو الحاجة للاحساس بالامان. يعني بنتي كان ينقصها الاحساس بالامان. اذا قمت بتوفير هذه الحاجة اكيد رح تترك اصبعها.

نويت وعزمت وتوكلت على الله. الموضوع مش سهل ولا بسيط لكنه ابدا مش مستحيل. بالعكس قربني من بنتي اكثر وخلاني استمتع بوجودها بحياتي وخلاني انتبه لادق تفاصيلها وما اهملها ولا اتركها تبكي بدون ما احضنها واشيلها واحسسها بقربي منها

الي عملته اني ما منعتها من اصبعها وما حاولت اشيله ولا الفه ولا استخدم اي مواد. كل الي عملته اني حضنتها كثير ودايما ابتسم بوجها. وما اخليلها مجال تحط اصبعها في فمها. يعني لما تبكي ما اخليها توصل لمرحلة ** الاصبع. بسرعة اهديها بنفسي واحاول امسك ايدها وانا حاضنتها حتى ما توصل لاصبعها. اغدقت عليها حب وحنان وعطف. بالغت في حبي لها. الاشي الوحيد الي كنت مصرة عليه هو اني ما اخليها تنام غير وهي ترضع.
وبعد عشرة ايام او اسبوعين تقريبا تركت اصبعها وصارت تصحى في الليل تطلب الرضاعة الطبيعية. والاحلى من هيك انه بنتي صارت معظم الوقت رايقة وتضحك ومبسوطة بعد ما كانت عصبية وتبكي كثير. وصارت رضاعتها ممتازة بعد ما كانت توترني وهي ترضع

الحمد لله من قبل ومن بعد. بتمنى انكم استفدتو من تجربتي واي سؤال انا حاضرة