بنتي تنام بيني وبين زوجي وتعباني شو اعمل تعبت من هالموضوع كتير

حبيباتي طلبي مبين من العنوان
انا قصتي تبدا من ولادة بنتي كانت قيصرية وماكنت اقدر أحطهابسريرها وكل ماأرضعها اقوم اجيبها وارجعها تاني خصوووووصا بالليل...
المهم كبرت وتعودت علينا وهلقيت عمرها سنة و9 شهور الله يخليها الي ويجعلها من البارين..
طبعا في فرشة جمب سريري اسفنج مريحة كتير بحاول بس تنام وأتأكد انها نامت انزلها عالفرشة.. مابطول عليها يمكن ساعة او 2.. وممكن ولا دقيقة اذا حست اني نزلتها بتصحى عطول وبتطلع لحالها تنام بيني وبين ابوها..
بتتعبنا كتير بالليل بتخبط فينا كأنها بتلعب ملاكمة ولا كورة.. بتخبط براسنا وبصدرنا وبكل شي تعبتنا وكتير زوجي بصحى يغوش عليه منها عشان ابعدها عنه.. شو اعمل بحالي انا .. وغير هيك بقول اذا عيطت مش حشيلها عن الفرشة عشان ترجع تسكت وتنام عالفرشة بس زوجي بتعب من عياطها وبقولي خلص طلعيها بدي اعرف انام... بالله دلوني شو اعمل حتى تتعود تنام لحالها عفرشتها.. وربي يرزق كل اللي بترد عليه بتحقيق امانيها ..